Ливерпулийг хэл амтайхан орхисон Рой Хожсон премьер лигт эргэн ирлээ. Энэ удаа түүнд Вэст Бромвич клуб итгэл хүлээлгэж ерөнхийд дасгалжуулчаараа томилжээ. Тэд өнгөрсөн ням гаригт дасгалжуулагч Роберто Ди Маттеог үүрэгт ажлаас нь чөлөөлөөд байсан юм. Вэст Бромвич одоогоор лигийн хүснэгтэд 17-р байранд жагсаж байгаа.

Хожсон шинэ багаа  ирэх даваа гаригаас  эхлэн удирдах бөгөөд энэ долоо хоногийн тоглолтод түр дасгалжуулагчаар ажиллаж буй   Майкл Апплетон тэднийг удирдах юм.

Ирэх 4 сарын 2-нд Вэст Бромвич Ливерпулийг угтаж авах тоглолт Хожсоны хуучин багийн нөхөдтэйгээ уулзах боломжыг олгоно. Ливерпулийг удирдсан хугацаан дахь таагүй дурсамжууд нь мартагдах болоогүй болохоор Улаануудын фенүүд  Хожсоныг тийм ч таатай хүлээж авахгүй байх.

Рой Хожсоны удирдлага дор Ливерпульчууд сүүлийн 57 жилд байгаагүй тааруу эхлэлээ хийсэн юм.  Харин түүнийг явснаас хойш Кенни Дэлглиш багийн жолоог атгаж дараалсан ялалтаар фенүүдээ баярлуулаад байгаа.