МХБХ-ноос зохион байгуулж буй 2011 оны Өсвөр үе Идэрчүүдийн Футзалын Улсын Аварга Шалгаруулах Тэмцээн 2011 оны 2-р сарын 8-ны өдрөөс 26-ны өдөр хүртэл явагдана. Энэхүү тэмцээнд нийт 3 насны ангилалын 60 багийн 720 орчим тамирчид оролцож байгаа. Өнөөдөр буюу 2-р сарын 11-ны өдөр U-13 насны ангилалын тоглолтууд явагдаж финалд өрсөлдөх багуудын нэрс тодорсон. Үүнд:

Аваргаын төлөө : УБДС – Арвис

Хүрэл медалийн төлөө: Багануур – Саммит ДМЮ багууд 2-р сарын 26-ны өдөр тоглоно.

Мөн энэ өдөр тэмцээний албан ёсны нээлтийн үйл ажиллагаа явагдлаа. Нээлтийн үйл ажиллагаанд МХБХ-ны ЕНБ-ийн дарга Д.Тэрбаатар нээж үг хэлсэн бол, УЗ-ийн гишүүн н.Энхбаяр, н.Жаргалсайхан, н.Амарбаясгалан, Хөгжлийн Программийн захирал н.Ганбат, Техникийн захирал И.Отгонбаяр, Сургалтын мэргэжилтэн н.Доржжав, U-13 насны ангилалд ивээн тэтгэгчээр оролцож байгаа ДЭРЭН компаний захирал н.Мөнхчулуун, Мон-Алтиус БТДС-ийн захирал н.Намжилмаа нар оролцсон. Харин 2-р сарын 9-ны өдөр Филиппин улстай очиж тоглож харамсалтай нь 2:0 хожигдсон Эрдэнэбат дасгалжуулагчтай МУ-ын шигшээ багийн тамирчид тэмцээний нээлтийн үйл ажиллагаан дээр Монгол Улсын Төрийн далбайг намируулан талбайд жагсан орж ирж бүх баг тамирчиддаан амжилт хүслээ. Мөн тэмцээний үеэр 4-р сарын дундуур Бээжин хотноо болох Фестивальд оролцох U-13 насны шигшээ багийн тамирчид Төрийн Дуулалаа эгшиглүүллээ.

Ингээд 2011 оны 2-р сарын 12-ны Бямба гаригаас эхлэн U-15 насны ангилалын тэмцээн эхлэнэ. Энэ насны ангилалд нийт 20 багийн 240 орчим тамирчид оролцохоор мэдүүлгээ өгөөд байгаа. Тэмцээн Мон-Алтиус БТДС-ийн зааланд явагдана. U-15 насны тэмцээнийг ХасБанк ивээн тэтгэж байгаа. Ийнхүү Хөлбөмбөгийн төлөө “ЗА” гэж хэлж хөлбөмбөгийн хөгжилд үнэтэй хувь нэмрээ оруулж байгаа энэхүү байгууллагуудад талархаж, ажлын өндөр амжилт хүсье.

Хөлбөмбөг сонирхогчид та бүхэн ирээдүйн Монголын шигшээ багийн тамирчид болох залуу хүүхдүүдийг ирж дэмжээрэй гэж хүсч байна. Тэмцээн 2-р сарын 12, 15 – 17н-ы өдөр 15 насны ангилалын тоглолтоор, 18-19, 22-24-ны өдөр 17 насны ангилалын тоглолт, харин 26-ны өдөр финалийн тоглолтууд Мон-Алтиу БТДС-ийн зааланд явагдана.

МХБХолбоо 2011 оны 2-р сарын 11-ны өдөр