Монголын сагсан бөмбөгийн холбооны “Ниссан Премьер” лигийн ээлжит тоглолтууд энэ сарын 11-ний баасан гаригт явагдлаа. Энэ өдрийн оргил тоглолт нь нэг ч хожилгүй ШШГЕГ-ын “Офицерууд”, ШУТИС, “QGX” компанийн “Акулууд” багуудын хооронд боллоо.

Т№12

I           II         III        IV

Офицерууд                13        23        18        19        73

Акулууд                     22        14        25        9          70

Офицерууд:Б.Мөнхбаяр 21, С.Батбямба 20+11 самбар, Б.Мөнхбат 8+15 самбар

Акулууд:Д.Дэлгэрням 19+12 самбар, Ц.Ганболд 14

-Лигийн аварга шалгаруулах тэмцээнд анх удаагаа оролцож буй “Офицерууд” багийнхан тун хүнд нөхцөлд тоглолтын төгсгөлийг сайтар хийж чадсанаар 73:70-аар хожсон юм. Нэгдүгээр үед 9 оноогоор хоцорч эхэлсэн тэд хоёрдугаар үед тооны зөрүүг нөхсөнөөр эхний хагас 36:36-аар өндөрлөсөн юм. Харин гуравдугаар үед “Акулууд” долоон онооны давуу байдал олж авсан ч шийдвэрлэх дөрөвдүгээр үед дэндүү олон алдаа гаргаснаар дөрөв дэх ялагдлаа хүлээсэн юм.  Харин  “Офицерууд” лигийн АШТ-нд анхны ялалтаа байгууллаа. Тэднээс экс “Хасын хүлгүүд”-ийн гишүүд Б.Мөнхбаяр 21, С.Батбямба 20 оноо,11 самбараас бөмбөг авалтаар багаа тэргүүлжээ. Харин “Акулууд”-аас Д.Дэлгэрням, Ц.Ганболд нараас бусад нь багтаа олигтой тус болсонгүй.

Т№13

I           II         III        IV

Хасын хүлгүүд          23        19        18        17        77

TLG-13                       18        15        14        19        66

Хасын хүлгүүд:Н.ЗолжаргалМ.Бадрах 17+6 бөмбөг таслалт, М.Отгонмөнх 16

TLG-13: Б.Дархантөгс 21+6 бөмбөг таслалт, Э.Цэрэнбаатар 8+9 самбар

-Сүүлийн гурван жилийн аварга бөгөөд тав дахь жилдээ лигийн АШТ-д хүчин зүтгэж буй “Хасын хүлгүүд” баг дийлэнх тоглогчид нь залуучуудаас бүрдсэн “TLG-13”-тай ээлжит тойргийн тоглолтуудаа хийлээ. Энэ тоглолтод “аваргууд” туршлага дутуу дүү нараа  77:66-гаар буулгаж авлаа. Тус багт эргэн ирсэн Н.Золжаргал 20 оноо авчээ. Тэрбээр хоёр жил МУИС-ийн багт хүчин зүтгэсний эцэст хуучин багтаа эргэн ирээд байгаа юм. Түүнд энэ өдөр шигшээ багт хамтран зүтгэдэг М.Бадрах 17, М.Отгонмөн 16 оноогоор тус болжээ. “TLG-13” багийн хожигдох гол шалтгаан нь торгуулий 14 шидэлтээ алдсантай холбоотой. Харин “Хасын хүлгүүд” ердөө долоон шидэлтээ алдсан байна.

Т№14

I           II         III        IV

Баянзүрх буллз          21        19        19        30        89

Ирвэс                          15        15        13        28        71

Баянзүрх буллз:Д.Мөнхтүвшин 21+7 самбар+4 оновчтой дамжуулалт, Д.Бат-Орших 12+7 самбар, О.Сайнбаяр 11+14 самбар, Г.Баттөр 11, Т.Санчир 10

Ирвэс:Т.Билгүүн 20, М.Ууганбаяр 15+10 самбар, Д.Чадраабал 14, Э.Дорж-Арилд 14

Энэ өдрийн сүүлийн тоглолт “Баянзүрх буллз”, Ирвэс багуудын хооронд болсон. Энэ тоглолтод ХҮДС-иас багт дөрвөн жил хүчин зүтгэсэн Д.Мөнхтүвшин хуучин багийнхаа эсрэг 21 оноо авч багаа ялалтад хүргэжээ. Түүнд “Баянзүрх буллз” багийн үнэн ч гишүүн Д.Бат-Орших сэлгээнээс 12 оноогоор тус хүргэсэн бол гарааны бусад тоглогчид нь жигд 10-аас дээш оноо авсан байна. Харин “Ирвэс”-ээс хоёр дахь жилдээ дээд лигт хүчин зүтгэж буй “Ниссан Премьер” лигийн хамгийн намхан холбон тоглогч Т.Билгүүн 20 оноо авч хувийн дээд амжилтаа тогтоосон байна.

Баг                                          хожил             хожигдол

1.Хасын хүлгүүд                  4                      0

2.Баянзүрх буллз               4                      0

3.Аватар                                 3                      1

4.Харцага                               2                      1

5.Офицерууд                       1                      2

6.Ирвэс                                   0                      3

7. TLG-13                               0                      3

8.Акулууд                           0                      4

Офицерууд эхний ялалтаа байгууллаа, 10.0 out of 10 based on 6 ratings