Америкийн гольфчин Тайгер Вудс Дубайд болж буй тэмцээний үеэр талбай дээр шүлсээ хаясныхаа төлөө торгууллаа. Торгуулийн хэмжээг зарлахаас татгалзсан байна. 35 настай Вудс дэлхийн шилдэг гольфчноор олон жилийн турш нэрлэгдэж байсан ч сүүлийн 17 тэмцээндээ түрүүлж чадаагүй бөгөөд Дубайд 20-27 дугаар байрыг эзэлжээ. Тэрээр цохилтоо амжилтгүй хийсний дараа бухимдлаа барьж чадалгүй нулимсныг телевизээр үзүүлсэн байна. Sky Sports сувгийн тайлбарлагч энэ үйлдлийг “Гольфын талбай дээр харж болох хамгийн зохисгүй үйлдэл” хэмээн буруутгажээ.