Монгол Улсын Ерөнхийлөгчийн ивээл дор зохион байгуулагдаж буй 5 дахь удаагийн “Дуулиан-2020” тэмцээний шөвгийн 32-ийн хариу тоглолтууд  2011 оны 02-р сарын 12-13-ны өдрүүдэд Хан-Уул Дүүргийн БТСОрдонд явагдлаа. 2 өдрийн турш нийт 40 тоглолт явагдаж дараагийн шатанд шалгарсан багуудын нэрс тодров.

Нийт 40 тоглолтонд 297 гоол орсноос эзэн зочин багийн харьцаа 165:132 байна. Одоогоор нийт 5172  гоол орсон ба энэ удаагийн тэмцээний 5000 дахь гоолийн эзэн тодорлоо. Энэнхүү азтай хүү Ирээдүй ЦС-ийн 17 насны ангилалд тоглож буй 9 дугаартай Ч.Чинбат тодорлоо. Тэрээр 2011 оны 2-р сарын 12-ны өдрийн 21.40-ийн тоглолтонд 15-р сургуулийн эсрэг хийсэн гоолоор 5000 дахь гоолийн эзэн болоо.

Нийт 5 улаан 18 шар карт өгсөн.

Мөн энэ үеэр бид шөвгийн тоглолтонд үлдсэн 1300 хүххдүүдэд Тэнгэр Даатгалын эрхийн бичгийг гардуулж өглөө. Ингэснээр “Дуулиан-2020” тэмцээнд тоглож байгаа хүүхдүүд 4-р сарын 17-ны өдөр хүртэл 24 цагийн турш даатгалтай боллоо.

Хамгийн сонирхолтой тоглолтоор ХасБанкны 18-р сургууль болон JetSchool-ийн 41-р сургуулийн 17 насны тоглолт юм. Энэ 2 багийн эхний тоглолт 8:3-ийн харьцаатайгаар 41-р сургууль ялалт байгуулаад байсан. Тиймээс ч 18-р сургуульд дараагийн шатанд шалгарах боломж бараг үгүй байсан гэж хэлж болно. Харин эхний үе 5:2-р 18-р сургууль хошуучилж, улмаар дахин 3 гоол хийж 8:2-р хожсоноор нийлбэр оноо 11:10 болж маш гайхалтай нэгэн ялалт байгуулж чадсан.

Хамгийн сонирхолтой болох болов уу гэж таамагласан тоглолт болох 17 насны TCI –ийн 14-р сургууль болон ХасБанкны Оюуны Ундраа ЦС-ийн тоглолт хамгийн олон гоолийн зөрүүтэй тоглолт болсон. Энэн тоглолтонд Оюуны Ундраа 10:2-р хожсон.

Энэ долоо хоногийн шилдэг тоглогчоор Онч Аудит ХХК-ийн 10-р сургуулийн 13 насны тоглогч  Тэлмэнбаяр шалгарсан. Тэрээр тоглолтондоо 5 гоол хийж багийнхаа илт давуу ялалтанд гол үүрэг гүйцэтгэсэн.

Шөвгийн 16-ийн  тоглолтууд 2011 оны 2-р сарын 26-17-ны өдөр Хан Уул Дүүргийн БТСОрдонд явагдах тул хөлбөмбөг сонирхогчид та бүхэн хүрэлцэн ирж багуудаа дэмжинэ үү.

Их Талын Дуулиан ТББ 2011 оны 2-р сарын 14-ны өдөр