Өчигдөр АНУ-ын Ерөнхийлөгч Барак Обама домогт сагсанбөмбөгч Билл Рассел болон нэрт бейсболч Стэн Мьюжл нарт “Эрх чөлөөний одон” гардууллаа.

Билл Рассел сагсанбөмбөгчийнхөө замналд зөвхөн “Бостон Селтикс” багтаа үнэнч байж, төвийн тоглогчоор нь 14 улирлын турш тоглохдоо NBA-гийн аваргын алдрыг 11 удаа (1957-66, 1968, 1969) хүртэж, гайхамшигтай амжилт үзүүлсэн билээ. Энэ нь NBA-гийн түүхэн дээд амжилтад тооцогдсоор байгаа. Мөн тэрээр NBA-гийн MVP-ээр таван удаа (1958, 1961-63, 1965) шалгарч, 11 удаа бэлгэ тэмдгийн багт багтжээ (1959, 1963, 1965 – нэгдүгээр багт, 1958, 1960-62, 1964, 1966-68 – хоёрдугаар багт).

1980 онд Билл Расселийг Дэлхийн сагсанбөмбөгийн түүхэн дэх хамгийн шилдэг тоглогчоор өргөмжилсөн. Тэрээр 1966 онд “Бостон”-ыг удирдаж эхлэхдээ Америкийн мэргэжлийн спорт дахь анхны хар арьст дасгалжуулагч болж байлаа.

Бейсболч Стэн Мьюжлын хувьд “Сент-Луис Кэрдиналс” багтаа тоглож, Дэлхийн цувралд гурвантаа түрүүлж, “Бүх оддын тоглолт”-д 24 удаа багтаж байжээ. Бүх цаг үеийн бэлгэдлийн шигшээ багт багтдаг юм байна.