Шахтёрийн эсрэг хангалтгүй тоглож өрсөлдөгчийнхөө  нэг гоолын эхлэлийг тавиад өгчихсөн  Рийз   фенүүдээсээ уучлалт хүсэж байна.

41 дэх минутад гаргасан түүнээс алдааг ашиглан Луиз Адриано гоол оруулж тооны харьцаа 3 : 1 болсон юм. Хоёрдугаар үед Жереми Менес тоог 3 : 2 болгож ойртуулсан ч тэнцээний бөмбөг Ромчууд оруулж амжаагүй.

“Тоглолтын үр дүнд шууд нөлөөлөхөөр алдаа  гаргасандаа би үнэхээр харамсаж байна. Миний хувьд маш тааруу тоглолт болж өнгөрлөө. Хөлбөмбөгт тохиолдож болох олон зүйлсийн нэг бол энэ. Манай баг уг нь сайн тоглож байсан. Гэтэл миний алдаанаас болж ийм үр дүнд хүрчихлээ. Гэхдээ бид Украйнд очоод ялж чаднаа” гэж Рийз ярьж байна.

“Алсын дамжуулалт хийх гээд биеэ бэлдэх гэтэл тэнцвэрээ алдаад тийм зүйл болчихсон. Бүх зүйл их хурдан болж өнгөрсөн л дөө.  Дараа нь би   2008 оны хагас шигшээд   Ливерпульд авто-гоол хийснийхээ дараа мэдэрсэн тэр таагүй мэдрэмжийг дахиж мэдэрсэн”

Манайхан өнгөрсөн жилийнх шигээ тийм ч сайн тоглолт үзүүлж чадахгүй байгаа. Сэтгэлзүйн хувьд тогтворгүй байгаа болохоор маш олон гоол алдчихаад байна. Одоо Украйнд очоод л хичээх хэрэгтэй”

Раньери харин тоглогчоо буруутгахыг хүсэхгүй байна. “Бид өөрсдийн хийх ёстой зүйлээ л хийсэн. Шахтёрийн сөрөг довтолгоо аюултай гэдгийг мэдэж байсан. Гэхдээ энэ удаа тун жижиг зүйлс тоглолтын үр дүнд нөлөөлчихлөө. Ялагдалтайгаа би эвлэрч байгаа ч гэсэн багийнхаа тоглолтыг шүүмжлэмээргүй байна. Боломжтой бүхнийг л манай залуус хийсэн.

Дуглас Коста солгой хөлтэй, маш гайхалтай тоглогч юм. Довтолгооны төгсгөлийг хийхдээ тэр маш хурдан сэтгэж байсан. Шахтёр маш зохион байгуулалттай тоглож байснаас гадна дамжуулалтууд нь яг л Барсагийнх шиг сайн байлаа. Хариу тоглолтод бид үүнийг нь эвдэж өөрсдийнхөө хэмнэлд оруулахыг хичээнэ”

Хариу тоглолт  3 долоо хоногийн дараа Украйны Донецк хотод явагдана.