Данийн теннисчин бүсгүй Каролин Возняцки эмэгтэй теннисчдийн чансааг ирэх долоо хоногоос дахин тэргүүлэх болзлоо хангалаа. Тэрээр Дубайд зохиогдож буй тэмцээний 1/4 шигшээд Израилийн Шахар Пеарыг хожсоноор чансааны оноогоороо одоогоор дэлхийд тэргүүлж буй Бельгийн Ким Клейстерсийг гүйцэх юм. Возняцки Пеарыг 6:2, 6:4-өөр буулган авчээ. Ким Клейстерс ердөө өнгөрсөн даваа гаригт чансааг тэргүүлсэн ч ийнхүү байраа богино хугацаанд алдах нь тодорхой боллоо.