Боксын насанд хүрэгчдийн УАШТ энэ сарын сүүлээр эхэлнэ. Сүүлийн хоёр УАШТ-ийг өнжсөн олимпийн аварга Э.Бадар-Ууган энэ жилийн тэмцээнд оролцохоор бэлтгэлээ эрчимтэй базааж байна. Мөн дэлхийн аварга П.Сэрдамба, мөнгөн медальт Н.Төгсцогт, хүрэл медальт У.МөнхЭрдэнэ зэрэг манай бүх л шилдгүүд улсын аварга болохын төлөө өрсөлдөх болохоор тэмцээн сонирхолтой өрнөх нь тодорхой.

Н.Төгсцогт одоогоор Дэлхийн боксын лигт хүч сорьж байгаа ч УАШТ-дээ оролцох төлөвлөгөөтэй байгаа аж. Харамсалтай нь Спортын төв ордны “А” заал олдохгүй байгаа учир боксчид “Алдар” спорт хорооны зааланд аваргаа тодруулах бололтой.