Шайбтай хоккейн лигийн АШТ-ий шувтаргын тоглолтууд Багануурт зохиогдож, талбайн эзэд аварга болжээ. Хоёр тойргийн нийлбэр дүнгээр тасархай түрүүлж плей-оффт шалгарсан тус баг финалд Шарын голын “Залуу тамирчид”-ыг 3:0-ээр буулган авсан ба тус багийн Эрдэнэбилэгийн Чулуунзориг шилдэг довтлогчоор, Батсүхийн Баттөр шилдэг хаалгачаар тодорсон байна.

Хүрэл медалийн төлөө тоглолтод Улаанбаатар хотын “Билэгтхүү” клуб Эрдэнэтийн “Хангарьд”-ыг 6:1-ээр хожив. “Хангарьд”-ын Зоригоогийн Оч-Эрдэнэ шилдэг хамгаалагчаар шалгарч, тэгш тоглогчийн шагналыг Шарын голын “Залуу тамирчид”-ын довтлогч Ганбилэг гардсан байна.