Патрис Эвра 2014 он хүртэл Олд Траффород үлдэхээр шинэ гэрээ байгууллаа. Энэ жил 29 настай Франц хамгаалагчыг Реал Мадрид идэвхитэй сонирхож байсан юм. Гэвч энэ мэдээ тэдэнд тодорхой хариулт өгч байна. Эвра 2005 онд Монако багаас Манчестерт ирсэн бөгөөд өнгөрсөн 6 жилийн хугацаанд Юнайтедийн төлөө 226 тоглолтод оролцож 3 гоол оруулсан. Мөн 3 премьер лигийн түрүү, 3 лигийн цом болон Аваргуудын лигийн цомыг Чөтгөрүүдтэй хамт хүртсэн билээ. “Энд тоглох нь миний мөрөөдөл байсан. Тийм ч учраас улаан өмсгөлтэй тоглох мөч бүртээ би баярлаж, багийнхаа төлөө чадах бүхнээ хийхийг хичээдэг. Өнгөрсөн 5 жилд би маш олон цом шагнал хүртсэн ч ирэх жилүүдэд илүү ихийг авахыг хүсэж байна”