Монголын хөлбөмбөгийн холбооны албан ёсны вэб хуудас нээгджээ. www.the-mff.mn -д зочилсноор та хөлбөмбөгийн холбоонд болж буй сонин хачин, төлөвлөгөө, уралдаан тэмцээний талаарх бүрэн мэдээллийг авч үзэх боломжтой гэнэ.

Мөн Сэлэнгэ Пресс компанитай хамтран “Хөлбөмбөг” сониныг эрхлэн гаргаж эхэлж байгаа аж. Сард нэг удаа гарах энэхүү сонингийн анхны дугаараас та бүхэн он гараад хийсэн ажил, уралдаан тэмцээний мэдээлэл, зөвхөн дотоодын бус гадаадын хөлбөмбөгийн сонин сайхнаас мэдрэхээс гадна саяхан тоглосон “Challenge Cup” тэмцээнд оролцсон Монгол Улсын шигшээ багийн плакатыг авах боломжтой.