Багуудын мэдээлэл:

“Марсель”: Матье Вальбуэна эргэн ирсэн ч арай л эрт талбайд гаргах гэж буйдаа дасгалжуулагч нь санаа зовниж буйгаа мэдэгджээ. Реми, Брандао нар бэртэлтэй байгаа. Гэхдээ тоглолтын өмнө эдгэрч, талбайд гарах магадлал бий гэнэ. Харин Жиньяк гайхамшиг л тохиолдохгүй бол эхний тоглолтод гарах боломжгүйгээр гэмтсэн байна. Харин өнгөрсөн аравдугаар сард бэртсэн Хилтон тоглолтын өмнө бэлтгэлдээ гарч, тоглоход бэлэн байгаа ажээ.

“Манчестер Юнайтед”: Андерсон хэдхэн хоногийн өмнө “Кроули Таун”-тай тоглохдоо бэртэл авсаны улмаас хоёр долоо хоног талбайд гарахгүй болсон. Мөн Рио Фердинанд, Райан Гиггз нар Марсель руу гэмтлтийн улмаас нисээгүй. Жонни Эванс, Майкл Оуэн нар бэртэлтэй ч гарах магадлал байж магадгүй гэнэ.

Сонирхолтой баримтууд

- Марселийн “Олимпик” 1992/93 онд Аваргуудын лигийн аварга болсноос хойш тус тэмцээний 1/8 шигшээд анх удаа гарч ирлээ. Харин “Манчестер Юнайтед” тав дахь жилдээ 1/8 шигшээгийн босгыг давахаар тэмүүлж байна.

- 1999/2000 оны улиралд Аваргуудын лигийн хэсгийн тоглолтод таарч хоёр удаа тоглсон. Английн баг талбайдаа Энди Коул, Пол Скоулзын гоолоор өрсөлдөгчөө 2:1-ээр буулган аваад Марсельд тоглохдоо 0:1-ээр хожигджээ. Гэлээ ч “Улаан чөтгөрүүд” хэсгээ тэргүүлж дараагийн шатанд шалгарсан юм.

- “Манчестер Юнайтед” Аваргуудын лигийн сүүлийн арван тоглолтод айлын талбайд зочлохдоо ялалт байгуулжээ. Энэ улиралд айлын талбайд гурвантаа ялалт байгуулсан.

Тоглолтын өмнө дасгалжуулагчид юуг онцолсныг сонирхуулья.

“Манчестер Юнайтед”-ын дасгалжуулагч Сэр Алекс Фергюсон: Тэдний дасгалжуулагч Дидье Дешам сайн баг бүрдүүлсэн. Хэсгийн тоглолтод “Челси”-тэй тоглоход нь би харсан. Тэр тоглолтод Францын баг хожсон ч гэсэн “Челси”-д гоол оруулах багагүй боломж гарч байсан. Биднийг хүнд тоглолт хүлээж буй нь үнэн. Гэхдээ бас дараагийн шатанд шалгарах сайхан боломж байгаа нь ч үнэн

“Марсель”-ийн дасгалжуулагч Дидье Дешам: Хоёр баг олон гоол оруулна гэж бодохгүй байна. Тиймээс талбай дээр гоол алдахгүй байх чухал. “Олд Траффорд”-д хийх дараагийн тоглолт маш хүнд болно гэдгийг мэдэж байгаа. Тиймээс манай баг талбай маш сайн тоглох ёстой