Монголын хөлбөмбөгийн холбоо шинэ зохион байгуулалтад орсноор олон нийтэд илүү нээлттэй ажиллах болсон. Саяхан тэд өөрсдийн албан ёсны вэб хуудсаа нээж түүгээрээ дамжуулан хийж байгаа үйл ажиллагаагаа хөлбөмбөг сонирхогчидод цаг тухайд нь мэдээлж байх боломжтой болсон.

Мөн Монголын хөлбөмбөгийн түүх, тэмцээн уралдааны хуваарь, шигшээ багийн бүрэлдэхүүн болон үндэсний лигийн багуудын танилцуулга зэрэг хүссэн мэдээллээ фанатууд энэ сайтаас авах боломжтой.

Үүний хажуугаар дэлхийд асар хурдтай хүчээ авч байгаа  facebook  нийгмийн сүлжээнд ч хөлбөмбөгийн холбоо өөрсдийн вэб хуудастай боллоо. Та бүхэн энэ сайтад бүртгэлтэй бол like дарж Монголынхоо үндэсний шигшээ багаа дэмжээрэй. Шигшээ баг болон Монголын хөлбөмбөгтэй холбоотой сүүлийн үеийн бүх мэдээлэл “Хөх чоно”-нуудын facebook нүүрт хэвлэгдэж байх болно.