Т№31

I           II         III        IV

Аватар                        19        16        23        28        86

Ирвэс                          17        17        16        14        64

Аватар:К.Жеффри 27+9 самбар, Ш.Сэдбазар 19+10 самбар, С.Өрнүүнбилэг 14+10 самбар, К.Уильямс 10+8 самбар+7 оновчтой дамжуулалт+4 бөмбөг таслалт+2блок шот

Ирвэс:Э.Дорж-Арилд 16, Бямбадорж 15, Г.Үлэмж 12+12 самбар

-Спортын төв ордонд хамгийн олон үзэгчдийг цуглуулдаг “Аватар” багийнхан хоёрдугаар тойргийн эхний тоглолтоо ХҮДС-ийн “Ирвэс”-ийн эсрэг хийж 22 онооны зөрүүтэй буюу 86:64-өөр хожлоо. Тэд эхний хагаст олон тоогоор давамгайлаагүй ч тоглолтын төгсгөлийг сайн хийсэн юм. Гуравдугаар үеийн төгсгөлд хуруундаа гэмтэл аваад байсан АНУ-ын легионер Кларенс Жеффри талбайд гарч ирсэн бөгөөд тооны зөрүүг түвэггүй 10 онооны зөрүүтэй болгожээ. Улмаар түүний тэсэрсэн тоглолт дөрөвдүгээр үед мөн үргэлжилэн “Аватар” улирлын тав дахь ялалтаа байгуулав. Ту тоглолтод К.Жеффригээс гадна Кимарли Уильямс талбайд бүхийл байрлалд жигд тоглолтыг үзүүлэн 10 оноо, найман  самбар, долоон оновчтой дамжуулалт, дөрвөн бөмбөг таслалт, хоёр блок шот гүйцэтгэсэн байна. Харин 204 см өндөртэй төвийн тоглогч Лекс Жеймс тоглолтын хоёрдугаар үед талбайд нэг ч минутыг өнгөрүүлсэнгүй. “Ирвэс”-ээс энэ өдөр Э.Дорж-Арилд мөн багаа оноогоор тэргүүлсэн байна

“TLG-13” баг үндсэн тавтаа сольсон нь буруу алхам болов

Т№32

I           II         III        IV

Харцага                      31        20        15        20        86

TLG-13                       9          26        20        24        79

Харцага:Б.Нэмэхбаяр 22, Б.Одбаяр 16+11 самбар, Ц.Мэргэн 16, О.Золзаяа 10+8 бөмбөг таслалт

TLG-13:Э.Цэрэнбаатар 23+11 самбар, А.Гансүх 21+9 самбар, Г.Цэнгүүнбаяр 11

-Нэгдүгээр тойрогт энэ хоёр багийн тоглолтод “Харцага” ердөө хагас бөмбөг буюу нэг оноогоор “TLG-13”-ын залуусыг хожиж байлаа. Харин энэ удаад эхний үед 22 онооны давуу байдал олж авсанаар хожсон юм. Тоглолтын нэгдүгээр үед “TLG-13” талбайд нөөц тоглогчоо илгээн бүтэн талбайн пресинг хийсэн нь алдаа боллоо. Тэдний эсрэг “Харцага”-ынхан төвөггүй оноо авч байсан юм. Харин тоглолтын гуравдугаар үед “Харцага”-ын довтолгооны гол найруулагч Ц.Мэргэний хувийн алдаа дөрөв болж нөөц тоглогчийн суудалд шилжжээ. Энэ үед “TLG-13”-ын залуус тооны зөрүүг багасгасан бөгөөд илүү гарч болзошгүй байлаа. Гэвч тэдэнд тоог тэнцүүлэх цаг гарсангүй. Тоглолтын төгсгөлд “Харцага” туршлага заан улирлын долоо дахь ялалтаа байгууллаа. Харин “TLG-13” эсрэгээрээ долоо дахь хожигдлоо хүлээсэн байна.