Дэлхийн тэргүүн теннисчин асан Серена Уильямс “Оскар”-ын шагнал гардуулах ёслолд оролцжээ. Олон сарын турш гэмтлийн улмаас хөлдөө гипстэй явсан Серена гипсээ авсан ч өндөр өсгийт өмсөх боломжгүй байгаа тул даашинзны урт хормойгоор хөлөө нуусан байв. “Гипсээ авахыг сая л нэг юм зөвшөөрлөө. Олон сарын турш хөлдөө гипстэй явах хэцүү юм. Одоо мөдхөн бэлтгэлдээ орно. Тэгээд “Ролан Гаррос”-т тоглоно. Гэхдээ одоогоор намайг өндөр өсгийт өмсөж болохгүй гэсэн”  хэмээн Серена ярьжээ. Дэлхийн шилдэг теннисчдийн нэг талбайдаа эргэн ирэх цаг ойртсоноо ийнхүү олонд зарлалаа.