Альхэдийнэ Манчестер Юнайтедийн  шинэ “баатар” болсон Хавьер Эрнандез дахин нэг гайхамшиг бүтээлээ. Юнайтед дэх дебут улиралдаа тэрээр Аваргуудын лигийн шөвгийн наймд өрсөлдөх боломжтой боллоо. Харин энэ эрхийг тэр “ганцаараа” хөдөлмөрлөж байж багтаа авчирсан нь бахархууштай.

“Олд Траффорд” цэнгэлдэхэд Марселийн эсрэг хийсэн  өнгөрсөн шөнийн тоглолтод Чичарито тав болон 75 дахь минутад тус тус гоолдсон юм.  Цаг дуусахаас найман минутын өмнө Уэс Браун авто-гоол хийж Марсельд бага зэргийн найдвар авчирлаа. Гэвч үлдсэн минутад Дешамын баг тэнцээний бөмбөг оруулж чадсангүй. Хоёр багийн өмнөх тоглолт “Велодром” цэнгэлдэхэд гоолгүй тэнцээгээр өндөрлөсөн. Ингээд цуврал тоглолтын дүнгээр Ман Юнайтед 2 : 1-ээр дараагийн шатанд үлдлээ. Сүүлийн таван жил дараалан Юнайтед энэ шатанд үлдэж байна.

“Чөтгөрүүд” энэ жилийн Аваргуудын лигийг нэг ч хожигдолгүй үргэлжлүүлж байгаа. Мөн Олд Траффордод ердөө хоёр л гоол алдсан учраас тэр цувралаа үргэлжлүүлнэ гэж фенүүд нь найдаж байв.

Тэд удаан хүлээх хэрэггүй байлаа. Герман шүүгч Феликс Брых шүглээ үлээгээд дөрвөн минут өнгөрч байхад Чичарито эхний гоолыг хийсэн.  Райн Гиггз – Рүүнигийн хослол зүүн жигүүрээр довтолгоо өрнүүлж Чичаритод зөвхөн сүүлчийн ганц цохилт хийх ажил л үлдээсэн. Ерөнхийдөө Рүүни энэ гоолын 80 хувийн бэлдээд өгчихсөн.  Марселийн Аваргуудын лигт  таван тоглолт дараалан гоол алдаагүй цуврал үүгээр төгсгөл боллоо.

Жон О’Ши 37 дахь минутад бэртэл авсан учраас Рафаэл сэлгээнээс талбайд орж ирлээ. Гэвч  Рафаэл цаг дуусахаас өмнө бас бэртэж ихэр ах Фабиогоор сэлгэгдсэн юм. Юнайтедийн хувьд 1 : 0 гэдэг үр дүн хангалттай учраас төдийлөн хүчтэй довтлоогүй. Гэхдээ Мандандаг шалгасан хэд хэдэн эвгүй довтолгоо өрнүүлээд амсан.

Францын багаас бэртлээсээ эргэж ирсэн Андре-Пьер Жиньяк хаалгачын эсрэг сайхан сугарсан ч бөмбөгөөрөө “шувуу буудаж” фенүүдээ гонсойлголоо.

Ингээд 75 дах минутад Райн Гиггзийн баруунаас өгсөн дамжуулалтыг  Эрнандес чихэж энэ үдшийн хоёр дахь гоолоо хийсэн юм. “Бяцхан Вандуй” энэ улиралд нийт хийсэн цохилтынхоо 65 хувийг гоол болгож байгаа үзүүлэлт байна. Өөрөөр хэлбэл 20 цохилт хийснээс 13 нь гоол болсон гэсэн үг.

Юнайтед шөвгийн наймын эрхээ бараг авчихлаа хэмээн баярлаж байтал 82 дахь минутад Браун өөртөө авто-гоол хийж тэр баяр хөөрийг эргэлзээгээр сольчихов. Үлдсэн найман минут сэтгэл түгшсэн байдал дор өрнөсөн бөгөөд гэвч дахиж гоол орсонгүй.

SN сайт энэ тоглолтын өмнөх ‘Шүгэл дуугарахын өмнө” цувралаараа үр дүнг 2 : 0 хэмээн таамагласан. Хэрвээ Брауны авто-гоол ороогүй бол бидний таамаг дахин батлагдах байв.

3 сарын 15. Манчестер. Стадион “Олд Траффорд”. Ерөнхий шүүгч – Карлос Веласко Карбальо (Испани). МАНЧЕСТЕР ЮНАЙТЕД – МАРСЕЛЬ – 2:1 (1:0) Эрнандес, 5 (1:0). Эрнандес, 75 (2:0). Браун, 82 – авто-гоол (2:1). Видео. Манчестер Юнайтед Марсель Эдвин Ван дер Сар Стив Манданда Джон О’Ши (37) Род Фанни Крис Смаллинг Габриэль Хайнце Уэс Браун Сулейман Диавара Патрис Эвра Тайе Тайво Луиш Нани (62) Стефан Мбиа (80) Майкл Кэррик Бенуа Шейру Пол Скоулз Лучо Гонсалес Райан Гиггз Лоик Реми Уэйн Руни Андре Айю Хавьер Эрнандес Андре-Пьер Жиньяк (69) Сэлгээ Рафаэл, 37 (70) Матье Вальбуэна, 69 Антонио Валенсия, 62 Джордан Айю, 80 Фабио, 70 Шар хуудас Хавьер Эрнандес, 20 Матье Вальбуэна, 72 Лоик Реми, 90+3