Монгол улсад Зэвсэгт хүчин үүсэн байгуулагдсаны 90 жилийн ой, “Монгол цэргийн өдөр” -т зориулсан улс аймгийн алдар цолтой хүчит 128 бөхийн барилдаан Монгол бөхийн өргөөнөө болж өндөрлөлөө. Энэ удаагийн барилдаанд улсын арслан Д.Ганхуяг, Б.Ганбат, улсын гарьд Н.Ганбаатар, улсын заан Д.Рагчаа, М.Өсөхбаяр, Б.Соронзонболд, улсын харцага Л.Пүрэвжав, Д.Батболд, С.Мөнхбат, Ө.Даваабаатар  тэргүүтэй улс, аймгийн цолтой бөхчүүд зодоглосон.

Ингээд Сэлэнгэ аймгийн Орхонтуул сумын харъяат  улсын өсөх идэр начин Т.Өсөх-Ирээдүй анх удаагаа түрүүлж, Увс аймгийн Баруунттуруун сумын харъяат  улсын арслан Б.Ганбат үзүүрлэлээ.

Шөвгийн дөрөвт у.а Б.Ганбат, у.з Д.Рагчаа, у.х Л.Пүрэвжав, у.н Т.Өсөх-Ирээдүй нар үлдсэн юм.