Юта Жазз багийн төвийн тоглогч Мехмэт Окур энэ улиралд дахин тоглох боломжгүй болжээ. Миннесотаг буулган авсан тоглолтын дараа энэ тухай мэдэгдсэн бөгөөд, багийн ерөнхий менежер Кевин О’Коннор хэлэхдээ “Бид маш их хичээсэн, уг  нь тэр эргэн ирж багтаа туслахыг хүсэж байсан боловч энэ улиралд боломжгүй болсон үүнээсээ болж тэр сэтгэлээр маш их унаж байгаа гэжээ”. Өнгөрсөн улирлын Плэй-Оффын тоглолтын үеэр зүүн хөлийн ахиллесийн шөрмөсөндөө гэмтэл авсан бөгөөд энэ улирал ердөө 27 тоглолтод оролцсон ч нуруундаа бэртэл авж мөн хуучин бэртэлээ сэдрээсэн байна. Дараа оны 1 сараас нааш талбай гарах боломжгүй болсон 31 настай турк эрийн хувьд магадгүй энэ нь түүний мэргэжилийн сагсан бөмбөгийн замналых төгсгөл ч байж магадгүй юм. Окурын бэртлээс гадна Ютагийн өөр нэгэн том залуу болох Милсап мөн бэртэлтэй байгаа бөгөөд дахин 2 тоглолт өнжих юм байна.