Өрнөд бүсийн сүүл мушгиж байгаа “Сакраменто”-гийн ирээдүй хэрхэх нь тодорхойгүй байна. Тус багийг эзэмшдэг  Малуфын гэр бүл гурван сарын нэгэн гэхэд ирэх улиралд аль хотыг төлөөлөхөө NBA-д мэдэгдэх ёстой байсан. Гэхдээ тэднний хүсэлтээр энэ хугацааг зургаан долоо хоногоор сунгасан юм. Лас Вегас, Ситль, Сан Хосе, Канзас  гээд олон хотын нэр тэдэнтэй холбогдоод байгаа. Гэхдээ хамгийн бодитой хувилбар нь Анахайм байж болох юм.

Хоёр долоо хоногийн өмнө Малуфын гэр бүлийн хуульч ”Anaheim Royals, “Anaheim Royals of Southern California” гэсэн нэрнүүдийн улсын бүртгэлийн газар луу илгээсэн мэдээ байна. Мөн “Orange County Royals”, ”Los Angeles Royals” гэсэн нэрнүүдийг ч давхар илгээжээ. NBA-гийн төлөөлөгч Дэвид Стерн өнгөрсөн хоёр сарын сүүлээр Анахайм хотын “Honda Center”-тэй тус багийн удирдлага ярилцаж байгааг хүлээн зөвшөөрсөн.

Малуфын гэр бүлд дөрвөн сарын 18 хүртэл бодох хугацаа байгаа. Энэ хугацаанд тэд Анахайм руу багаа нүүлгэх эсэхээ шийдэх боломжтой. Ямартай ч ирэх улирлаас ”Кингз” баг өөр нэрээр NBA-д өрсөлдөх нь. Тэд одоогоор 15 хожил 50 хожигдолтой байгаа учраас плей-оффын талаар саналтгүй болсон.