Германы “Kicker online ”   болон  “ Bild “  сонинд мэдээлэлснээр Феликс Магат   Шальке 04 -тэй гэрээгээ цуцалснаас   нэг хоногын дараа Вольфсбург багийн  дасгалжуулагч боллоо.  Магат 2009 онд  Вольфсбургийг  Бундеслигийн аварга болгож,   дараа жил нь  Шальке 04 багт очсон билээ.  Харин Шальке 04 багийнхан  өчигдөр   2004-2005 онд багийг дасгалжуулж байсан  Ральф Рангниктай ажиллах  болсоноо  зарлав.

Тэрээр өнөөдөрөөс  бэлтгэлийг удирдан явуулах ба 13:00 цагаас багийн дасгалжуулагч болсныг албан ёсоор мэдэгдэх юм байна. Феликс Магат нь Вольфуудыг  анх удаа аваргын титэмтэй золгуулсан дасгалжуулагч  бөгөөд одоо 26 оноотой жагсаалтын 17-р байранд яваа  багийг  2-р лигд унах аюулаас  аврах  том үүргийг хүлээж авлаа.

Үүний сацуу багийн  удирдлагууд  менежер Диетер Хөннестэй гэрээгээ цуцалжээ.