Монголын Хөлбөмбөгийн Холбооноос зохион байгуулж буй ээлжит тэмцээн бол 2011 оны Өсвөр Хөлбөмбөгчдийн Фестивали юм. Энэхүү тэмцээнийг Шүрт Булаг ХХК ивээн тэтгэж байгаа ба 2011 оны 3-р сарын 18-ны өдөр эхэлж аваргуудаа 3-р сарын 20-ны өдөр УБДС-ийн зааланд тодруулах юм байна. Тэмцээнд нийт 4 насны ангилалд 21 багийн 250 орчим хүүхдүүд оролцож байгаа. Хөвгүүдийн 8, 10, 12 нас болон охидын гэсэн ангилалаар явагдаж байгаа.

2011 оны 3-р сарын 18-ны өдөр 13.00 цагаас тэмцээний нээлтийн үйл ажиллагаа явагдсан. Тэмцээнийг нээж МХБХ-ны Ерөнхий Нарийн Бичгийн дарга ноён Д.Тэрбаатар үг хэлсэн бол, хүндэт зочдоор мөн МХБХ-ны Техникийн захирал И.Отгонбаяр, Монгол Улсын шигшээ багийн тамирчид болох Гарьдмагнай, Түмэнжаргал болон Ганбат нар оролцсо юм. Энэ өдрийн  тоглолтонд Буриадаас хүрэлцэн ирсэн Улаан-Үдийн баг тамирчид маш сайн тоглолтыг үзүүлэн 2 хожиж хэсгээсээ 1-р байраар шалгарч чадсан. Харин хамгийн бага насны ангилал болох 8 насны ангилалд УБДС болон Соёмбын Барсууд нар өрсөлдөж байгаа. Энэхүү тэмцээний финалийн тоглолтууд 2011 оны 3-р сарын 20-ны өдөр УБДС-ийн зааланд явагдах ба та бүхнийг өргөнөөр хүрэлцэн ирэхийг урьж байна.