Ливерпульд “гологдсон”  Алберто Аквилани Ювентуст бүрмөсөн үлдэхэд бэлэн байгаа тухай түүний агент мэдээллээ. Итали хагас хамгаалагч  өдгөө Туринд  зээлээр тоглож байгаа. Арилжаа наймааны цонх нээгдсэний дараа тэрээр Англи руу буцахаас илүү нутагтаа үлдэхийг илүүд үзэж буй аж.

Аквиланиг 2009 оны зун Ливерпуль 20 сая фунтээр Ромагаас худалдаж авсан. Тодруулбал Рафаел Бенитез багийнхаа эздийг шахаж байгаад Итали залууг авчруулсан. Гэтэл өнөөх итгэл найдвар хүлээлгэж авчирсан залуу нь премьер лигт дасан зохицож чадаагүй. Улмаар өнгөрсөн зун Ювентус руу зээлсэн билээ.

Аквиланигийн агент Франко Завалья “Ирэх зургаан сарын 30 хүртэл Ювед Акуаг авч үлдэх боломж байгаа. Хэрвээ хүсэж байгаа бол одооноос хөдөлж эхэлсэн нь дээр байх. Ливерпуль ч гэсэн талтай байгаа. Тэгэхээр Юве л бага зэрэг хичээхэд болно” хэмээжээ.

Аквилани Ромагийн академиар хүмүүжиж эрийн цээнд хүрсэн билээ.