Монгол Улсын спортын цол зэрэг олгох зөвлөлийн 2011 оны анхдугаар хуралдаан өчигдөр БТСГ-т боллоо. Хуралд нийтдээ 13 спортын төрлийн 90 хүний материал хэлэлцсэнээс 51 нь зохих шалгуурыг даван тэнцлээ.

Ийнхүү сагсан бөмбөгч П.Батзаяа, Төв аймгийн 18 настай цаначин А.Наранцэцэг, Сэлэнгийн тэквондоч Ө.Амартүвшин, пауэрлифтингийн Ш.Ариунбаатар, Д.Мөнх-Эрдэнэ нар Oлон улсын хэмжээний мастер цол хүртсэн бол спортын мастер 27, дэд мастер 17, улсын шүүгч 2-оор нэмэгдэж байна.

Дашрамд сонирхуулахад Спортын цол зэрэг хүсэх, шийдвэрлэх явцыг онлайн хэлбэрт оруулаад байгаа бөгөөд цаг завыг ихээхэн хэмнэсэн, олон түмэнд нээлттэйгээрээ давуу талтай юм. Энэ тухай мэдээллийг БТСГ-ын www.sport.gov.mn вэб хуудаснаас сонирхож болно.