Өнгөрөгч амралтын өдрүүдэд Орхон аймагт Эрдэнэт хот байгуулагдсаны 35 жилийн ойн нэрэмжит автомашины бартаат замын уралдаан боллоо. Уралдааныг тус аймгийн Засаг даргын тамгын газар, “Эрдэнэт” үйлдвэрийн Авто тээврийн байгууллага, мах боловсруулах үйлдвэр ивээн тэтгэж, Орхон аймгийн БХТН-ийн зөвлөл, МАМСХ-ны Орхон аймгийн салбар зөвлөл зохион явуулж, МАМСХ, Техникийн спортын төвийн бүрэлдэхүүн шүүгчээр ажиллав.

“Эрдэнэт-35”-д Сэлэнгэ, Булган, Дорноговь зэрэг аймаг, хотын шилдэг 18 тамирчин оролцож, 2,5 км урт тай, хунгар цастай, бартаа бүхий замд хэсгийн уралдаан найман тойрог, шигшээ уралдаан 10 тойрог уралдаж дүнгээ гаргалаа. Спортын мастер Ш.Гомбодорж, Б.Төрмөнх нар эхний таван тойрогт тэргүүн байрын төлөө ширүүн тэмцэлдсэн ч Б.Төрмөнхийн машинд техникийн саатал гарснаас уралдааныг цааш үргэлжлүүлэх боломжгүй болж, залуу мастер Ш.Гомбодорж (Бат жандаг) тасархай түрүүлэв.

Гараанаас хамгийн сүүлд хөдөлж, тойрог бүрт өмнөх та мирчдаа гүйцсээр барианд орсон I зэрэгтэй Ариунболд (Шинэ барилга) дэд байрт шалгарсан бол нэмэлт гараанаас шигшээд өрсөлдөх эрх авсан залуу тамирчин Батнайрамдал (Төмөрт транс) гуравдугаар байрт орлоо. Батнайрамдалын хувьд энэ амжилтаараа спортын дэд мастерын болзлыг биелүүлжээ. Булган аймгийн залуу тамирчин Болорсайхан, Сэлэнгэ аймгийн харьяат, ОУХМ Д.Батсайхан нар эх ний тавд шалгарав.

Зохион байгуулагчид энэхүү уралдаанд тэргүүн байрын төлөө ширүүн тэмцэлдэж байгаад техникийн гэмтлийн улмаас барианд ороо гүй спортын мастер Б.Төрм өнхөд Эр зоригийн шагналыг олгосон байна. “Эрдэнэт-35”-ын хаалтын ажил лагааны үеэр “Эрдэнэт” үйлдвэрийн засварын цехийн ажилтан Я.Галбадрахад мотоспортын мастерын цол, тэмдгийг нь гардуулсан бол ивээн тэтгэсэн “Эрдэнэт” үйлдвэрийн Авто тээврийн байгууллагын дарга Содномдоржийг БХТНийн 80 жилийн ойн медалиар шагналаа.