Вильям Галлас ”Уайт Харт Лэйн” дэх карьераа цаашид үргэлжлүүлэхийг хүсэж байна. Өнгөрсөн зун Галлас Хойд Лондоны  багтай нэг жилийн гэрээ байгуулсан. Түүний гэрээний хугацаа энэ зун дуусах бөгөөд Тоттенхэм Галласыг авч үлдэхээр шинэ гэрээ санал болгох гэж байна. Франц хамгаалагч улирал эхэлснээс хойш 21 тоглолтод оролцоод байгаа. Харри Реднаппын баг Европын түвшинд гайхалтай амжилт гаргаж шөвгийн наймд үлдэхэд түүний оролцоо чамгүй их байсан.

Харри “Багийн удирдлагууд шинээр байгуулах гэрээний нөхцлийг бэлдэж байгаа. Удахгүй танилцуулах байх.Галлас шиг сайн тоглогч хүндлэл хүлээх бүрэн эрхтэй. Өнгөрсөн зун Галлас гадаадын багтай гэрээ байуулж их мөнгө хийж болох л байсан. Харин тэр Лондонд үлдэхийг илүүд үзэж маш бага мөнгөөр бидний эгнээнд нэгдсэн. Галлас энэ улирлын шилдэг наймаануудын нэг гэж би бодож байна” хэмээв.

33 настай Галлас өмнө нь  Лондоны өөр нэгэн баг Арсеналд дөрвөн жил хүчин зүтгэсэн билээ.