Урт хугацааны өвлийн амралтын дарааагаар Формула-1-ийн 2011 оны улирал Австралийн гараагаар эхлэж байгаа билээ. Дэлхийн аварга Себастьян Феттель байрлал эзлэх шалгаруулалтанд тэргүүлж маргаашийн гарааг тэргүүлэхээр боллоо.

Өнөөдөр өглөөний чөлөөт уралдаанд илт хүчирхэг байсан Ред Булл багийхан  байрлал эзлэх шалгаруулалтанд хошуучлах  нь бараг тодорхой болсон байв. Хэдийгээр сүүлийн хурдтай тойрогт Феттелийн машины Керс ажиллаагүй мөн бага зэргийн алдаа гарсан боловч аргагүй дэлхийн аваргын чансааг харуулж тойргоо гүйцээжээ. Феттель  Макларений  Льюис Хэмилтоноос  0.778 секундээр илүү хурдалсан бол  багийн хамтрагч Марк Уэббер 0.866  секундын үзүүлэлтээр гуравдугаар байрыг эзлэв.

“ Би өнөөдөрийн үр дүнд маш их баяртай байна” гээд багийн хамт олондоо  мөн талархаж байгаагаа хэлэв.  Уг нь Марк Уэбберийн гарааны байрлалд тэргүүлэх боломж Феттелээс дутхааргүй байсан юм. Сонирхолтой нь Макларений машин тийм ч муу биш байгааг Хэмилтон харуулав. Гэхдээ маргаашийн уралдаанд австрали эр маань замын цэвэрхэн талаас гараагаа хийх юм. Уэббертэй нэг эгнээнд мөн л Макларений Баттон байрлал эзэлсэн. Тэгхээр бид   “Хэмилтон улаан бухнуудын дунд”  нөгөөх нь   “Уэббер  мөнгөн сумнуудын хооронд” гэсэн сонирхолтой сэндвичтэй гарааны гэрч  болох нээ.

Өнгөрдөг улиралыг мааруухан амжилттай үдсэн улаанууд буюу Феррари топ багуудын тоонд зүй ёсоор  орох боловч  Фернандо Алонсо 5, Масса 8-р байрт жагсав. Тэдний хооронд Лотус Реногийн Витали Петров шургаад амжив. Харин топ аравт Мерседесийн ганцхан машин багтав. Нико  Росберг 7 , үнэмлэхүй аварга Шумахер 11-р байрлалаас гараагаа хийхээр боллоо.

	V	Nr	Нисгэгч	Баг / Мотор		Цаг	Х/хугацаа	Тойрог
1		1	S. Vettel	Red Bull Racing / Renault		1:23.529		16
2		3	L. Hamilton	McLaren / Mercedes		1:24.307	+ 0.778	19
3		2	M. Webber	Red Bull Racing / Renault		1:24.395	+ 0.866	15
4		4	J. Button	McLaren / Mercedes		1:24.779	+ 1.250	18
5		5	F. Alonso	Ferrari / Frrari		1:24.974	+ 1.445	19
6		10	V. Petrov	Lotus Renault GP / Renault		1:25.247	+ 1.718	18
7		8	N. Rosberg	Mercedes GP / Mercedes		1:25.421	+ 1.892	17
8		6	F. Massa	Ferrari / Ferrari		1:25.599	+ 2.070	18
9		16	K. Kobayashi	Sauber / Ferrari		1:25.626	+ 2.097	17
10		18	S. Buemi	Scuderia Toro Rosso / Ferrari		1:27.066	+ 3.537	15
11		7	M. Schumacher	Mercedes GP / Mercedes		1:25.971	+ 2.442	13
12		19	J. Alguersuari	Scuderia Toro Rosso / Ferrari		1:26.103	+ 2.574	11
13		17	S. Peréz	Sauber / Ferrari		1:26.108	+ 2.579	9
14		15	P. Di Resta	Force India / Mercedes		1:26.739	+ 3.210	16
15		12	P. Maldonado	Williams / Cosworth		1:26.768	+ 3.239	17
16		14	A. Sutil	Force India / Mercedes		1:31.407	+ 7.878	15
17		11	R. Barrichello	Williams / Cosworth		keine Zeit		12
18		9	N. Heidfeld	Lotus Renault GP / Renault		1:27.239	+ 3.710	10
19		20	H. Kovalainen	Team Lotus / Renault		1:29.254	+ 5.725	10
20		21	J. Trulli	Team Lotus / Renault		1:29.342	+ 5.813	12
21		24	T. Glock	Virgin Racing / Cosworth		1:29.858	+ 6.329	10
22		25	J. D’Ambrosio	Virgin Racing / Cosworth		1:30.822	+ 7.293	8