Саяхан өндөрлөсөн Монгол улсын  2011 оны шатрын аварга шалгаруулах шигшээ тэмцээнд өнгөрсөн жилийн медальтнууд Н.Баттулга,Б.Гүндаваа,Г.Эрдэнэ болон У.Лхамсүрэн,Т.Батчимэг,Б.Янжиндулам нараас гадна энэ оны хагас шигшээ тэмцээнээс шалгарсан эрэгтэй 13, эмэгтэй 11 шатарчин тойргоор тоглож өрсөлдсөн юм.

Эрэгтэй шатарчдын тэмцээнд СМ М.Гүнбаяр (“Цэцэн нүүдэл” клуб) 11, ИМ Д.Шаравдорж (“Хан Алтай” клуб) 11, ДМ У.Насанжаргал (“Цэцэн нүүдэл”) 10,5  эмэгтэйчүүдийнхэд ИМ Т.Батчимэг (ШШГЕГ-ын “Сүлд” спорт хороо) 10, ОУМ Д.Янжиндулам (Алдар спорт хороо  ) 9,5  ОУМ Б.Анхчимэг  (Ньютел компани) 9 оноогоор эхний байруудад шалгаран Улсын аваргын алт,мөнгө,

хүрэл медалиар энгэрээ мялаав. Энэ тэмцээнд оролцсон 30 шатарчдын дотор их мастер цолтон 3, олон улсын мастер 4, дэлхийн шатрын холбооны мастер 8, олон улсын хэмжээний мастер 4 байсан бөгөөд тэдгээрийн 12 нь улсын аварга цолыг урьд өмнө нь хүртэж байжээ. Т.Батчимэг, М.Гүнбаяр нар сонгодог шатрын улсын аварга цолыг анх удаа хүртэж байгаа юм.Харин М.Гүнбаяр бодлого бодолтын 2009 оны УАШТ-д түрүүлж байсан билээ.

ОУМ Б.Гүндаваа (ЦЕГ) 9, ОУМ Ц.Батчулуун (Алдар) 8,5 ОУХМ А.Энхтуул (Монголчехмет компани), ОУХМ У.Лхамсүрэн (“Хос мастер клуб) нар 8 онооны амжилт тус тус үзүүлж айрагдав.

Энэ жилийн УАШТ-ий онцлого нь Монголын шатрын холбоо 2010 онд шилдэгээр шалгарсан тул төрөөс урамшуулж тэмцээнийг санхүүжүүлсэн явдал байлаа.

Ихээхэн өрсөлдөөнтэй явагдсан энэ тэмцээн дээр манай шатарчид уран нүүдэл хийсэн, дайчин довтолсон зэрэг сайхан тоглолттой олон өргүүдийг бүтээсэн байна.

Эдгээр өргүүдээс заримыг нь цувралаар мэдээлж сонирхуулах болно.

Хүснэгт