Өнгөрсөн амралтын өдөр Миланы дербид бут ниргүүлж лигийн түрүүгээ Интер бараг алдчихсан  гэхэд болно. Харин Европын аялал нь дуусах болоогүй байна. Германы төлөөлөл Шальке тэдний хувьд боломжын өрсөлдөгч бөгөөд аваргаа хамгаалах замд нь тийм ч хүчтэй саад учруулж чадахгүй гэж хэвлэлүүд бичиж байна. Тэр тусмаа Феликс Магат ажлаасаа халагдаж Ральф Рангник ирээд удаагүй болохоор шилжилтийн үеийг нь тааруулаад мулталчих бодол Интерт бий. Гэхдээ хариу тоглолт Германд болно гэдгийг мартаж болохгүй. Тоглолтыг Мартин Аткинсон шүүн явуулна. Сан Сиро “Жузеппе Меацца”-д түүний шүглийн дуу 02.25 минутаас дуугарах болой.

Цомыг хамгаалахаас гадна Италийн нэр төрийг авч явах үүрэг Интерий нуруун дээр бууж байна. Сан Сиро цэнгэлдэхэд хийсэн сүүлийн найман Аваргуудын лигийн тоглолтоос долоон хожил Интер аваад байна.

***

Герман-Италийн хооронд Аваргуудын лигийн дөрвөн эрхийн төлөөх өрсөлдөөн ид өрнөж байгаа. Ирэх жилээс Бундеслиг дөрвөн төлөөллөө Европын клубуудын тэргүүн тэмцээнд явуулах болсон. Харин Интер энэ удаа хожих аваас бүх зүйлийг эргүүлж байранд нь тавих найдвар байна.

***

Нерразурри Германы багуудын эсрэг сайн тоглодог уламжлалтай. Тэр тусмаа талбайдаа. 16 удаа Бундеслигийн багийг талбайдаа угтаж авснаас 10 хожил тэд авч байсан гэнэ.

***

Аваргуудын лигийн мэргэн буучдын жагсаалтыг гурван тоглогч найман гоолтой тэргүүлж байгаа. Үүнд Интерийн Самюэль ЭТО’О багтаж байна. Бусөд мэргэн буучид нь Месси, Марио Гомес нар байгаа. Гэхдээ Гомесийн гоол цаашид өсөх боломжгүй болсон.

***

Интер тэмцээнд 14 гоол алдсан үзүүлэлттэй явж байна.

***

Аваргуудын лигийн шөвгийн наймд Инте барагтай бол ялагдаж байгаагүй. Сүүлийн 11 тохиолдлын наймд нь тэд хожил авчээ.

***

1997 оны УЕФА-гийн цомын финалд  Шальеке Интерийг пеналтиар хожин түрүүлж  байсан түүхтэй.  Тухайн үеийн финал цуврал тоглолтоор шийдэгддэг байсан ба аль аль баг нь талбайдаа 1 : 0-ээр хожсон учраас торгуулийн цохилт хийж 1 – 4-ээр Германы баг ялжээ.

***

Шалькегээс Пер Клюге, Марио Гавранович гэсэн довтолгоонд нэмэртэй тоглогчид талбайд гарахгүй нь тодорхой болсон.

***

Италийн багтай хийсэн сүүлийн дөрвөн тоглолтоос нэг л хожил Шальке авсан.

***

Тэмцээн эхэлснээс хойш нийт 19 шар хуудсыг Шальке аваад байгаа нь дээгүүр орох үзүүлэлт.

Боломжтой гарааны 11 : Интер : Жулио Цесар ; Майкон, Киву, Раноккия, Занетти; Станкович, Камбьяссо, Тиагу Мотта; Шнайдер; Милито, Это’о

Шальке 04 : Нойер; Учида, Хеведес, Метцельдер, Зарпэй ; Хурадо, Матип, Дракслер, Фарфан; Раул, Эдү

 

Шүгэл дуугарахын өмнө : Интер - Шальке 04, 10.0 out of 10 based on 5 ratings