Улирлын хоёрдахь гараа Малайзийн гран при Сепангд явагдаж байна.

Ред Булл багийн Себастьян Феттель Малайзийн гран пригийн байр эзлэх шалгаруулалтанд   тэргүүлэв. Гэхдээ   дэлхийн аварга маань  өнгөрсөн удаад тэргүүлсэн  шиг илт давамгай байсангүй. Ред Буллын гол өрсөлдөгч болоод байгаа Макларен багийн   Льюис Хэмилтон түүнээс тун ойрхон зөрүүтэй хоёрдугаар байрыг эзэлсэн юм. Харин  Марк Уэббер , Макларений Женсон Баттон нар гурав , дөрөвдүгээр байрыг эзлэв. Хоёр багийн машинууд  бусад багуудаас өөр түвшинд ,   ширүүн тэмцэлдээнийг үзүүлэв.

Уг нь Баттон  шалгаруулалтын хоёрдугаар үед Хэмилтоноос хурдтай байсан харин шийдвэрлэх үед  баг доторхи өрсөлдөөнд  ялагдав.  Мөн Ред Буллын Марк Уэбберийн амжилт  Мельбурнээс дээшилсэн хэдий ч  төгсгөлд нь гуравдугаар байрт орлоо.

Одоогоор хамгийн энэ тэнцүү  өрсөлдөж байгаа хоёр хүчирхэг багийн араас ойрхон  нэхэгчээр Фернандо Алонсо тодров.  Бараг нэг секундээр  гарааны тэргүүлэгчээс удаан байсан нь түүний хувьд их хугацаа юм. Феррари Ред Буллээс удаан ч гараанд  гүйцэх ородлого хийх гэнэ. Хэрвээ бороо орвол тэртэй тэргүй азын тоглолт болж хувирна гэж тооцож байгаа аж. Феллипе Масса багийн хамтрагчийнхаа чанх ардаас гараагаа хийхээр болсон бол Реногийн Ник Хайдфельд зургаад  хурдалж, Виталий Петров наймдугаар байр эзэлж топ аравт багтсанаар  Мерседесээс илүү амжилттай байна.

Михаэль Шумахер  дахиад  шалгаруулалтын хоёрдугаар үеийг давж чадсангүй. Түүний машины  хойд далавч хэвийн байрлалдаа эргэж орохгүй байсан учир шулуун замд цаг алдсан гэв.

Малайзийн Формула-1-ийн Лотус багийнхан   нутгийн салхи  нь жигүүр нэмсэн гэж олзуурхаж байна. Хоёр нисгэгч нь 19 болон 20-р байр эзэлсэн хэдий ч чансаа ойролцоо багуудын үзүүлэлттэй харьцуулахад энэ удаа мэдэгдхүйц  амжилт олсон гэжээ.

Дугуй нийлүүлэгч   Pirelli улирлын эхний гараа Австралийн уралдааны дараа магтаал сайшаалыг нилээд  хүртсэн. Тэгвэл Сепанг  үүнээс хамаагүй илүү хатуу шалгуур байх болно. Малайзийн уралдаан бол цаг агаарын  хамгийн хэцүү нөхцөлтэй уралдаан.  Сепангд асфальтийн температур 50- иас дээш  халдаг. Тийм ч учраас хүн болоод техникийг шалгах өндөр босго болдог юм.  Малайзид чөлөөт уралдаанд багууд   хатуу сонголттой дугуйг  туршиж үзсэн. Үр дүн нь тооцолсоноос өөр гарсан. Pirelli шинэ дугуйгаар илүү урт зам туулж туршихыг сонирхолтой байсан  боловч  багууд дугуйнаас илүүтэй уралдааны стратегид гол анхаарлаа хандуулжээ. Тэд Малайзийн уралдаанд нэг нисгэгч  доод тал нь 4 зогсолт хийнэ гэсэн тооцоо гаргасан. Багууд олон зогсолт хийхээр тооцож байгаа ч яг хэдэн удаа зогсохыг мэдэх боломжгүй  юм гэжээ. Малайзид бороо орно эсвэл орохгүй гэсэн асуулт байхгүй харин хэзээ орох вэ гэдэг асуулт байдаг. Тийм болхоор уралдааны үеэр бороо эсэхийг урьдчилан мэдэх аргагүй байдаг.

Өнөөдөр Макларен улаан бухнуудад  ойрхон ялагдсан  ч маргаашийн уралдаанд эн тэнцүүхэн өрсөлдөх боломж дүүрэн бий.

1		1	S. Vettel	Red Bull Racing / Renault	P	1:34.870		12
2		3	L. Hamilton	McLaren / Mercedes	P	1:34.974	+ 0.104	19
3		2	M. Webber	Red Bull Racing / Renault	P	1:35.179	+ 0.309	17
4		4	J. Button	McLaren / Mercedes	P	1:35.200	+ 0.330	15
5		5	F. Alonso	Ferrari / Ferrari	P	1:35.802	+ 0.932	14
6		9	N. Heidfeld	Lotus Renault GP / Renault	P	1:36.124	+ 1.254	9
7		6	F. Massa	Ferrari / Ferrari	P	1:36.251	+ 1.381	13
8		10	V. Petrov	Lotus Renault GP / Renault	P	1:36.324	+ 1.454	9
9		8	N. Rosberg	Mercedes GP / Mercedes	P	1:36.809	+ 1.939	17
10		16	K. Kobayashi	Sauber / Ferrari	P	1:36.820	+ 1.950	13
11		7	M. Schumacher	Mercedes GP / Mercedes	P	1:37.035	+ 2.165	12
12		18	S. Buemi	Scuderia Toro Rosso / Ferrari	P	1:37.160	+ 2.290	13
13		19	J. Alguersuari	Scuderia Toro Rosso / Ferrari	P	1:37.347	+ 2.477	12
14		15	P. Di Resta	Force India / Mercedes	P	1:37.370	+ 2.500	12
15		11	R. Barrichello	Williams / Cosworth	P	1:37.496	+ 2.626	15
16		17	S. Peréz	Sauber / Ferrari	P	1:37.528	+ 2.658	10
17		14	A. Sutil	Force India / Mercedes	P	1:37.593	+ 2.723	9
18		12	P. Maldonado	Williams / Cosworth	P	1:38.276	+ 3.406	8
19		20	H. Kovalainen	Team Lotus / Renault	P	1:38.645	+ 3.775	8
20		21	J. Trulli	Team Lotus / Renault	P	1:38.791	+ 3.921	8
21		24	T. Glock	Virgin Racing / Cosworth	P	1:40.648	+ 5.778	8
22		25	J. D’Ambrosio	Virgin Racing / Cosworth	P	1:41.001	+ 6.131	7
23		23	V. Liuzzi	HRT F1 Team / Cosworth	P	1:41.549	+ 6.679	7
24		22	N. Karthikeyan	HRT F1 Team / Cosworth	P	1:42.574	+ 7.704	7