Японы гэрэл зураг, дуран хэрэгслийн Никон компани Лондонгийн олимпийн зохион байгуулах хороотой хамтын ажиллагааны гэрээг байгууллаа. Энэхүү гэрээний хүрээнд Никон компани Лондонгийн олимпийн наадмын логог албан ёсоор ашиглах эрхтэй болж байгаа юм. Никон харин үзэгчдэд зориулсан дуран, телескоп зэрэг зүйлсийг нийлүүлэх гэнэ. Өнгөрсөн сард Лондонд олимпод зориулсан анхны дэлгүүр байгуулагдсан бөгөөд 10,000 гаруй тусгай эрхт бараа зарагдаад байгаа гэнэ. Олимпийн наадмын зохион байгуулах хороо 2 тэрбум паундыг бэлэг дурсгал, тусгай эрхт бараанаас олохоор төлөвлөжээ.