Лхагва гаригт Тоттенхэмтэй хийх Аваргуудын лигийн тоглолтод Моуриньо гарааны бүрэлдэхүүндээ багагүй өөрчлөлт хийх гэнэ. Испаний Марка сонины мэдээлж байгаагаар Серхио Рамос болон Анхель Ди Мария нар сэлгээнээс тоглолтыг эхлүүлэх юм байна.

Учир нь эдгээр тоглогчд шар хуудас авбал дараагийн тоглолтыг өнжих аюултай учраас эрсдэл хийхийг Моу хүсээгүй аж. Мөн Криштиану Роналду, Раул Албиоль, Рикардо Карвалью  нар ч ийм аюулд байгаа. Гэхдээ Моу тэднийг сэлгээнд суулгах нь бүр илүү эрсдэлтэй гэж үзэж байгаа учраас талбайд гаргах бодолтой байгаа аж

Рамос болон Ди Мариягийн жигүүрээр Тоттенхэмийн Гарет Бэйл довтолдог учраас шар хуудас авах магадлал өндөр. Тиймээс Арбелоа, Лассана Диарраг тэдний оронд гарааны 11-т багтаахаар төлөвлөж байгаа юм.  ”Эзэн хааны баг” эхний тоглолтод 4-0-ээр хожсон учраас хариу тоглолтод сэтгэл амар орж байна. Хагас шигшээд тэднийг Барселона хүлээж байх магадлал өндөр.