АС Миланы тоглогч Антонио Кассано аав болжээ. Түүний эхнэр усан пологийн тамирчин Каролина өнөөдөр Милан хотын эмнэлэгт амаржиж 3.6 кг охин төрүүлсэн байна. Өдгөө 29 настай Кассано аав болсондоо тун их баяртай байгаагаа нуусангүй. Тэрээр саяхан өгсөн ярилцлагадаа удахгүй аав болох гэж байгаа болохоор өмнө нь гаргадаг байсан ухамсаргүй үйлдлүүдээ давтахгүй байхыг хичээнэ хэмээн ярьсан. Мөн хэзээ нэгэн цагт миний хүүхэд тэр талаар мэдэх л болно. Тийм болохоор одооноос эцэг хүний хариуцлага надад нэмэгдэж байна гэсэн. Өнгөрсөн өвөл Сампдориягаас Миланд ирснээсээ хойш Кассано лигийн 13 тоглолтод оролцож гурван гоол хийгээд байна.