Дөрөвдүгээр сарын 9-нд Германы Берлин хотноо “Sumo-Basho Berlin” сонирхогчдын сүмо бөхийн уламжлалт олон улсын тэмцээн зохиогдож, 12 орны үлэмж биетнүүд хүч үзлээ. Тус тэмцээнд дэлхийн хошой аварга, дэлхийн наад мын аварга У.Бямбажав эх орноо төлөөлөн барилдаж, +115 кг болон үнэмлэхүй жинд түрүүлжээ.

Тэрбээр хоёр долоо хоногийн өмнө Италийн Милан хотноо зохиогдсон “Milano Open”-оос мөн хос алтан медаль аваад байсан юм. Дашрамд сонирхуулахад Египетийн Каир хотноо зохиогдох байсан сонирхогчдын сүмо бөхийн ДАШТ тус улс дахь улс төрийн нөхцөл байдлын улмаас цуцлагдсан бөгөөд Монгол, Тайвань зэрэг улсууд ДАШТ-ийг шилжүүлэн авах хүсэлтээ олон улсын холбоонд илгээгээд байна.