Бундеслигийн хүснэгтийг тэргүүлэгч Б.Дортмундын түлхүүр тоглогчдын нэг Нури Сахин улирал дуустал талбайд тоглох боломжгүй болжээ. Фрайбургтэй хийсэн Бундеслигийн өнгөрсөн тойргийн тоглолтод зүүн хөлийнхөө шөрмөсийг бэртээсэн аж. Тус тоглолтод баг нь 3 : 0-н харьцаатай хожил авсан бөгөөд Сахин 28 дахь минутад сэлгээнд суусан юм. Турк хагас хамгаалагч энэ улиралд 30 тоглолтод оролцож зургаан гоол оруулаад байгаа. Мөн дөрвөн гоолын ашигтай дамжуулалтыг өгсөн. Дортмунд одоогоор 69 оноотой хүснэгтийг тэргүүлж байгаа. Хамгийн ойрхон яваа өрсөлдөгч нь 61 оноотой Байер 04 клуб байгаа.