Абель Эрнандезийн гоолын баяр

Италийн цомын хагас шигшээ тоглолтууд явагдаж байгаа. Өчигдөр бид та бүхэнд Рома – Интерийн тоглолтыг тоймыг хүргэсэн. Харин урьд шөнө АС Милан Палермотой “Сан сиро” цэнгэлдэхэд туллаа. Калчио лигийг тэргүүлэгчид харамсалтай нь талбайдаа хожил авч чадалгүй 2 : 2-оор эвийн гэрээ байгуулжээ.

Златан Ибрагимович дөрөв дэх минутад эхний гоолыг хийсэн. Үүнээс 10 минутын дараа олон багуудын хараанд өртөөд буй Хавьер Пасторе тооны харьцааг тэнцүүлсэн. АС Миланы байдал цааш улам хүндэрч 53 дахь минутад Абель Эрнандез Марко Амелиагийн хаалганд гоолдлоо.

Харин 76 дахь минутад шинэхэн Миланиста Урби Эмануэльсон тэнцээний гооолыг хийж багаа хожигдлоос аварчээ. Тэрээр АС Миланы өмсгөлтэй анхны гоолоо оруулж байна. Таван сарын 10-нд Палермогийн талбайд хариу тоглолт явагдана. АС Милан сүүлд 2002–03 оны улиралд энэ цомыг авч байсан юм. Харин Палермо түүхэндээ хоёр удаа аман хүзүүдэж байлаа.