Шалькетэй хийх Аваргуудын лигийн тоглолтыг Ман Юнайтедийн довтлогч Димитер Бербатов өнжихөөр болжээ. Болгар довтлогч цавьны бэртэлтэй байгаа бөгөөд премьер лигийн Эвертонтой хийсэн тоглолтыг ч үзэгчдийн суудлаас үзсэн юм. Тус тоглолтод Юнайтед Чичаритогийн нэг гоолоор ялалт байгуулсан билээ.

“Арена АуфШальке” цэнгэлдэхэд явагдах эхний тоглолтод Чичарито, Рүүни гэсэн довтолгооны хослол гарч магадгүй байна. Сер Алекс Фергусон Эвертоны эсрэг Неманья Видич, Райн Гиггз гэсэн тоглогчдоо гаргалгүй амраасан юм. Энэ жилийн Аваргуудын лигт  Чичарито дөрвөн гоолтой багаа хошуучилж байгаа.