Саяхан Эрдэнэт хотноо Хүүхдийн үндэсний 4 дүгээр Их наадмын шатрын тэмцээн явагдаж 18 аймаг, 7 дүүргүүдээс шалгарсан өсвөрийн шатарчид хөвгүүд болон охидын 14 ба 17 хүртэлх насны ангилалд швейцарь системээр 7 тавилд өрсөлдөв. 14 насны ангилалд хөвгүүдээс Э.Энхнар (Сүхбаатар аймаг), С.Билгүүн (Сүхбаатар дүүрэг), Ү.Агьбилэг (Баянгол) дүүрэг, охидоос Г.Сайханзаяа (Баянзүрх), Д.Номин-Эрдэнэ (Сүхбаатар дүүрэг), Б.Отгонсувд (Говь-Алтай), 17 насанд У.Насанжаргал (Баянзүрх), Ц.Лхагвасүрэн (Чингэлтэй) ,Х.Баярхүү (Дархан-Уул аймаг), охидоос Б.Баярмаа (Сонгинохайрхан), Э.Хулан (Баянгол), М.Цэрэндулам (Дархан-Уул) нар медальт байруудад шалгарав.

Багийн дүнгээр Баянзүрх дүүрэг, Дархан-Уул, Говь-Алтайн аймгийн багууд эхний байрыг эзэлжээ.

Баян-Өлгий,Дундговь,Ховд аймгууд болон Багахангай,Налайх дүүргүүд энэ тэмцээнд шатарчдаа оролцуулсангүй.

Их наадмын аваргууд: (зүүн гараас)

У.Насанжаргал, Г.Сайханзаяа, Б.Баярмаа, Э.Энхнар