Өнгөрсөн бямба гаригт Монголын шатрын холбооны ээлжит их хурал МҮОХны хурлын танхимд явагдаж холбооны ажлын тайлан, МШХ-ны дүрмийн өөрчлөлт болон зохион байгуулалтын асуудал хэлэлцэв. Холбооны ерөнхийлөгчийн сонгуульд ОУШХны Гүйцэтгэх зөвлөлийн гишүүн С.Энхцаг, УИХын гишүүн,Гадаад хэргийн сайд Г.Занданшатар нар өөрсдийн багийн мөрийн хөтөлбөрөө танилцуулж өрсөлдөв. Сонгуулийн дүн гарахад С.Энхцаг 34 санал авсан бол Г.Занданшатар 35 саналаар МШХны ерөнхийлөгчөөр 4 жилийн хугацаатай сонгогдлоо.