Формула нэгийн Польш нисгэгч Роберт Кубица 11 долоо хоногийн эмчилгээний дараа “Санта Корона”-гийн эмнэлэгийг орхилоо

Гэхдээ тэрээр бүрэн эдгэрээгүй бөгөөд ирэх найман сар гэхэд уралдааны замдаа дахин гарах боломжтой юм.

“Рено” багт харьяалагддаг Кубица өнгөрсөн хоёр сард Италид болсон нэгэн туршилтын уралдааны үеэр  осолдож хүнд гэмтэл авсан. Шинэ улирал эхлэхийн өмнө гол нисгэгчээ алдсан Реногийн удирдлага нэн даруй арга хэмжээ авч  Ник Хайдфелдийг жолооны ард суулгасан билээ.

Гурван гарааны дараах байдлаар Реногийнхон муугүй амжилттай явж байна. Кубица саяхан өгсөн ярицлагадаа багтайгаа энгийн харилцаатай байгаа. Одоохондоо ямар нэгэн гэрээний талаар ярилцахад эрт байна хэмээсэн юм.