Монгол улсын хөдөлмөрийн баатар, дархан аварга Д.Дамдины алдрыг дуурсгах, хүндэтгэлийн барилдаан өнгөрөгч ням гаригт Монгол бөхийн өргөөнд явагдлаа. Улс аймгийн цолтой 128 бөх зодоглосон уг барилдаанд улсын начин Ц.Содномдорж түрүүлж, улсын заан Б.Соронзонболд үзүүрлэлээ. Харин их шөвөгт улсын харцага Ө.Даваабаатар, аймгийн арслан А.Отгонбаатар нар үлдсэн юм. Энэхүү барилдаан нь мөн Монгол улсад циркийн урлаг үүсэж хөгжсөний 70 жилийн ойд зориулагдсан юм. Барилдааны үеэр Монголын үндэсний бөхийн холбоо, Циркчдийн холбоо, Хөвсгөл аймгийн нутгийн зөвлөл Д.Дамдин аваргын гэр бүлийнхэнд хүндэтгэл үзүүлсэн юм.