Түрэг улсын Анкара хотноо 2011 оны дөрөвдүгээр сарын 24-тавдугаар сарын 2-ны өдрүүдэд болж байгаа “Чөлөөт бөхийн хүүхдийн дэлхийн наадам”-д монголын өсвөрийн чөлөөт бөхийн тамирчид амжилттай оролцож байна

Тус тэмцээнд “Алдар”спорт хорооны дасгалжуулагч Ц.Хосбаяр, Сэлэнгэ аймгийн БТСХ-ны дасгалжуулагч Д.Энхбат нарын удирдсан 6 өсвөрийн бөх оролцож байгаагаас 38 килограммын жинд хүч үзсэн Биеийн тамирын тусгай сургуулийн сурагч Т.Цогбадрах алтан медаль, 26 килограммын жинд барилдсан “Алдар” спорт хорооны тамирчин Б.Төгөлдөр мөнгөн медаль хүртээд байна.

Өнөөдөр 72 дугаар сургуулийн сурагч Х.Даваадамба 59 килограммын жинд, “Ирээдүй” цогцолбор сургуулийн сурагч Ч.Сүрэнжав 32 килограммын жинд, “Тэмүүжижн” спорт клубын тамирчин С.Энхболд 47 килограммын жинд, Биеийн тамирын тусгай сургуулийн сурагч Н.Лхагва-Эрдэнэ 75 килограммын жинд нар дэвжээнд гарна.

Тус наадамд 12-14 насны хүүхдүүд оролцож байгаа юм.