“World Series of Boxing” олон улсын тэмцээнд амжилттай оролцож эх орныхоо нэрийг өндөрт өргөсөн  Монгол Улсын гавьяат тамирчин Н.Төгсцогт маргааш эх орондоо ирэх гэнэ.  Олон улсын сонирхогчдын боксын холбоо (AIBA)-ноос санаачлан анхны жилдээ зохион байгуулсан WSB тэмцээнд  Н.Төгсцогт “Баку Файерс” багийн төлөө  тулалдсан бөгөөд  өнгөрсөн нэг сараас хойш  Азербайжанд амьдарсан юм.

Харийн нутагт  байх хугацаандаа Төгсөө багаа төлөөлөн   дөрвөн тулаан хийхдээ гуравт нь ялсан. Түүний ялалтын ачаар баг нь  Азийн бүсийн аварга болж , улмаар тэмцээний хагас шигшээд шалгарсан юм. Харамсалтай нь  “Баку Файерс” хагас шигшээд Европын бүсийн аварга “Парис Юнайтед”-тай таарч, ялагдсанаар тэмцээнээ дуусгасан билээ. Манай тамрирчин WSB тэмцээнд гурван жил тулалдахаар гэрээ байгуулсан учир ирэх жил багаа сольж, өөр багт хүч сорих боломжтой . Учир нь  ирэх жилийн тэмцээнд Азийн бүсэд Азербайжаны “Баку Файерс” багийн оронд Дубайн баг өрсөлдөх мэдээ байгаа юм.

Ингээд та бүхэнд Н.Төгсцогтын сүүлд Францын тамирчин Нордин Оубаалитой хийсэн тулааны бичлэгийг та бүхэнд сонирхуулья.

Энд дарж бичлэгийг үзнэ үү.