Лаосын Вьентьян хотноо дөрөвдүгээр сарын 21-26- нд болсон байт харвааны Гранпри тэмцээнд 10 улсын 60 гаруй тамирчин цэц сорилоо. Манай харваачид энэ удаа амжилтын ургац арвин хурааж, эмэгтэйчүүдээс (72 сум) Ч.Оюунсүрэн (Хангарьд) алт, эрэгтэйчүүдээс Ж.Гантөгс хүрэл медаль хүртэв.

Багийн харваанд бүсгүйчүүд 1861 онож түрүүлсэн бол эрчүүд 1956 оноогоор хоёрдугаар байр эзэлжээ. Холимог багийн нийлбэрээр ОУХМ Ж.Гантөгс, спортын мастер Ч.Оюунсүрэн нар аман хүзүүдсэн (141 оноо) байна. Тайландад хийсэн урт хугацааны бэлтгэл үр дүнгээ өгсөнд баярласан харваачид өчигдөр Хорватыг зорилоо.