Азийн хотуудын тэмцээн

Саяхан Индонезийн Жакарт хотноо явагдсан Ази тивийн хотуудын багийн аварга шалгаруулах тэмцээнд АНЭ, Бруней, Гонконг, Ирак, Непали, Малайз, Сингапур, Солонгос, Филиппин, Энэтхэг зэрэг 17 улсын  24 багийн шатарчид 9 тавилд өрсөлдөв.БНХАУ-ын Хэбэй мужийн Ши Жиазуан (2583) хотын баг бүх тавилд ялж 18 оноогоор түрүүлэн Казахстаны Астана (2560) 15, Ираны Тегеран (2531) 13 оноотой удаах байрт шалгарч чансаагаар 22-т жагссан Монголын Эрдэнэт (1754) (Н.Баттулга,Ч.Ганболд,С.Төрбат,Ж.Баттулга,Ё.Баярсайхан) 9 оноогоор 13-р байрын амжилт үзүүлжээ. Энэ тэмцээний эхний байруудыг эзэлсэн багуудын шатарчид нь бүгд их мастер цолтон бөгөөд 14 баг нь 2100-аас дээш дундаж чансаатай,олон улсын цолтой шатарчдаас бүрдсэн байв.

***

Сурагчдын ДАШТ эхлэв

Өнгөрсөн сарын сүүлчийн өдөр Польшийн Краков хотноо эхэлсэн Сурагчдын Дэлхийн аварга шалгаруулах 7 дахь удаагийн тэмцээнд 30 шахам орны 300 гаруй шатарчид оролцож байна.

Энэ тэмцээний эхний хоёр тавилын дараа  Монголын өсвөрийн шатарчдаас О.Чингүүн (B-9 хөвгүүдийн насны ангилал), Н.Отгонбаяр (B-11), Т.Мөнхзул (G-9 охидын), Д.Номин-Эрдэнэ (G-11) нар 2, Ц.Бат-Эрдэнэ (B-11), С.Жаргалмаа (G-13) 1, Г.Сайханзаяа (G-15) 0,5  Б.Ирмүүнтулга (B-7) 0 оноотой байна. Тэмцээн энэ сарын 9ний өдөр өндөрлөнө.

 

Шатарчдын  шинэ чансаа.

Олон улсын шатрын холбоо (ФИДЕ) энэ оны  5-р сарын 1ний байдлаар Дэлхийн шатарчдын чансааг шинэчлэн гаргасныг өмнөхтэй нь харьцуулан үзүүлэв.

Дэлхийн шилдэг 10 шатарчин

№        Шатарчдын нэр  улс    2011-III 2011-V

1          В.Ананд           Энэтхэг2817    2817

2          М.Карлсен       Норвег 2815     2815

3          Л.Аронян          Армен  2808     2808

4          В.Крамник        ОХУ     2785     2785

5          В.Иванчук        Украин 2779     2776

6          С.Карякин        ОХУ     2776     2776

7          В.Топалов        Болгар 2775     2775

8          Х.Накамура      АНУ     2774     2774

9          Ш.Мамедьяров            Азербайжан     2772     2772

10        В.Гашимов      Азербайжан     2746     2760

Монголын шилдэг 10 шатарчин

№        Шатарчдын нэрс  цол  2011-III 2011-V

1          Б.Гүндаваа      ОУХМ  2497     2476

2          Б.Мөнгөнтуул  ИМ       2434     2463

3          Д.Шаравдорж  ИМ       2435     2442

4          Ц.Батчулуун    ОУМ    2446     2429

5          Н.Баттулга       ФМ       2420     2409

6          Б.Хатанбаатар ИМ       2395     2359

7          М.Гүнбаяр       СМ       2265     2334

8          Г.Мөнхгал        СМ       2318     2333

9          О.Ганболд       ОУМ    2326     2326

10        У.Насанжаргал ДМ       2263     2325

10        Г.Эрдэнэ          ФМ       2342     2325

Дэлхийн шилдэг  эмэгтэй 100 шатарчдыг Ю.Полгар (Унгар,+13) 2699, Х.Конеру (Энэтхэг,+7) 2614,

Хоу Ифан (Хятад,+10) 2612 нар тэргүүлсэн бол манай Б.Мөнгөнтуул (+29) 16 байраар урагшилж 32-д эрэмблэгджээ.

Дэлхийн улсуудыг ОХУ (+2) 2734-оор магнайлан Украин (-1) 2696-оор удаалсан бол Монгол улс (-4) 2390 үзүүлэлтээр 2 байр ухарч  62-д жагсав.

 

Chess news, 9.5 out of 10 based on 6 ratings