Нийслэл лиг тэмцээний 3 дахь тоглолт өчигдөр хөлбөмбөгийн ногоон талбайд  явагдлаа. Талбайн эзэн Сүхбаатар дүүргийн ХасБанкны “Хүлэгүүд” баг Лигийн 6 удаагийн аварга хашир туршлагатай ТЭЦ-4-ийн Баянзүрх дүүрэг дэх “Эрчим” багтай хүч үзлээ.

Эгнээндээ Нигери болон Япон улсын тамирчдыг эгнээндээ багтаасан Эрчим багийг ялах магадлалыг өндөрт тавьж 70:30 харьцаатай үзэгчдийн дийлэнх нь байлаа.

Тоглолт талбайн зочин баг болон Эрчим багийн давамгайлал дор эхэллээ. Эхний үеийн статистик үзүүлэлтээр 45:55 харьцаатайгаар бөмбөг эзэмшилт  Эрчим багт байв. Хариу сөрөг довтолгоог Хүлэгүүд  хийж байсан ч төдийлөн амжилттай болж чадахгүй байв. Тоглолтын 19 дэх минутад Эрчим багийн үндсэн хаалгач 21 дугаартай Б.Ариунболд Хүлэгүүдийн  2 дугаартай хамгаалагч А.Билгүүнтэй мөргөлдсөний улмаас хүнд бэртэл авсан нь Эрчим багт хүндээр туслаа. Тоглолтын 1 дүгээр үе 0:0-ийн харьцаатай өндөрлөлөө.

Завсарлагаанаар талбайн эзэн ХасБанкнаас үзэгчдийн дунд азтай үзэгч болон мэргэн буучийг шалгаруулан үзэгчдэд үнэ бүхий зүйлийг гардуулан өгсөн нь үзэгчдэд ихээхэн таалагдлаа.

Тоглолтын 2 дугаар үе үзэгчдийг уйдаасангүй. Гоол хийх сайхан боломж хоёр багт аль алинд  нь  байсан боловч хаалганы шон эсхүл хаалгач саад болоод байлаа. Харин тоглолтын 63 дахь минутад Хүлэгүүд багийн довтлогч 6 дугаартай Б.Нямжигжид 3 ньч хамгаалагчийг амжилттай хуурч цохисон цохилт нь амжилтад хүрч тооны харьцааг 1:0 болгосон байна.

Аль аль баг нь бэлтгэл муутай нь мэдэгдэж тоглолтын төгсгөл рүү ядрах байдал нилээн ажиглагдлаа. Тоглолтын 89 дэх минутад гоол хийх боломж Эрчим багт байсан ч солилцоогоор орсон тамирчин Г.Цогбадрах 5-ийн шугаман дотроос хаалгачийн яг биенд нь цохисноор анхны ялагдлаа авах нь тодорхой боллоо. Шүүгчийн нэмэлт цагт шигшээ багийн тамирчин Эрчим багийн 6 дугаартай хамгаалагч Б.Анар 2 дахь шар хуудсаа авснаар энэ жилийн тэмцээний анхны улаан картын эзэн болсон байна.

Тоглолтын статистик үзүүлэлт:

Баг	Хүлэгүүд			Эрчим
Үе	1 дүгээр	2 дугаар	Нийт	1 дүгээр	2 дугаар	Нийт
Гоол	0	1	1	0	0	0
Бөмбөг эзэмшилт	45%	60%	52,5%	55%	40%	47.5%
Хаалганд цохилт	7	2	9	5	5	10
Үүнээс хаалга оносон	3	2	5	2	1	3
Булангийн цохилт	4	0	4	2	0	2
Алдаа	3	7	10	6	5	11
Отон тоглолт	0	1	1	4	1	5
Шар карт	0	2	2	2	0	2
Улаан карт	0	0	0	0	1	1

Одоогийн байдлаар 1 тоглолтод дунджаар 3,33 гоол, 3 шар хуудас авсан үзүүлэлттэй байна.

“Нийслэл лиг” тэмцээний 2011 оны 5 дугаар сарын 04-ны өдрийн 4 дэх тоглолт Баянзүрх дүүргийн Сэлэнгэ Пресс ХХК-ийн ивээн тэтгэсэн “Сэлэнгэ Пресс” баг, Лигийн 1 удаагийн аварга Баянзүрх дүүргийн Улаанбаатар Дээд Сургуулийн ивээн тэтгэсэн “Улаанбаатар Дээд Сургууль” багтай хүч үзнэ.

 

"Хүлэгүүд" шинэ улирлын анхны хожлоо "Эрчим"-ээр авлаа, 8.5 out of 10 based on 8 ratings