Шинэхэн MVP Деррик Роуз баасан гаригийн үдэш “Атланта” хотод гайхамшгийг бүтээж карьерийн оргил 44 оноо авлаа. Түүний гайхалтай тоглолтын ачаар “Буллз” “Хокс”-ыг 99-82-оор буулган авч Дорнод бүсийн хагас шигшээн цувралыг 2 : 1-ээр тэргүүлж эхэллээ. Цувралын эхний тоглолтонд 103 : 95-аар хожсон ‘Атланта”-гийн эрч хүчтэй, сайн тоглолт энэ өдөр огт харагдсангүй.

“Буллз” энэ тулаанд самбарт гайхалтай байж Хоаким Ноа 15, сэлгээний Таж Гибсон хүртэл 11 самбар авч нийт багаараа “Атланта”-г 47 : 34-н харьцаатай илүүрхлээ. Тоглолтын шилдэг нь байсан Роуз нийт 37 минут талбайд өнгөрүүлэхдээ 5 самбар, 7 дамжуулалт , 1 блок хийж 44 оноог нэмэрлэсэн. Эхний цувралын тоглолтуудад “MVP” 15 гурван онооны шидэлтээс гурвыг л  чулуу болгосон бол энэ удаа долоогоос дөрвийг нь цагираганд хийжээ.

Харин эсрэг талд “Атланта”-гаас Жефф Тиг 21 оноо хоёр дахь тоглолтдоо дараалан авч , 3 самбар цуглуулсан.

Тэрээр тоглолтын дараа “Роузыг хамгаалахад үнэхээр хэцүү юм. Бөмбөгөө шидсэн л бол яаж ийгээд л орчих юм. MVP болохоор арга ч үгүй байх л дээ” гэжээ.

Харин Роуз “Тэд надад шидэх зай гаргаж өгөөд байхад би өөр юу хийх юм. Шидэж л таараа шүү дээ” хэмээлээ.

Тоглолтыг “Хокс” нэг ч удаа тэргүүлээгүй бөгөөд эхний үеэс эхлэн “Буллз” хошуучилсаар дуусгасан. “Атланта”-гийн довтлогч “Эль Хорфорд” коллежийн анд Ноаг аргалж чадахгүй байсаар тоглолт дуусгасан. Тэрээр 12 шидэлтийнхээ 5-г л оноо болгосон. Эхний хоёр тоглолтод 19 – 7 гэсэн үзүүлэлттэй байсан юм. “Атланта”-гийн ордонд 19,521 үзэгч энэ тулааныг үзлээ. Цувралын 4 дэх тоглолт манай цагаар ирэх даваа гаригт Philips Arena-д явагдана.