“Мемфис Гриззлис” FedExForum ордондоо “Оклахома-Сити Тандер”-тэй хүндхэн тоглолт хийж 101-93-аар  нэмэлт цагт буулган авлаа. Ийнхүү тэд цувралыг 2 : 1 болгон тэргүүлж эхэлж байна. Тоглолтын гуравдугаар үеийн сүүл гэхэд тэд 16 оноогоор хожигдож  байсан. 4-р үеийг  13 онооны зөрүүтэй эхлүүлсэн ч таван минутын дотор тоглолтыг эргүүлж үндсэн цаг дуусахад 86 : 86 болгон тэнцүүлж чадсан юм. Ингээд нэмэлт цагт Зак Рэндольф, Марк Гасолийн хэрэгтэй оноонуудын ачаар 101-93-аар ялалт байгуулсан.

Зак энэ тоглолтонд 21 оноо 21 самбар авч хувийнхээ дээд амжилтыг шинэчлэн тогтоолоо. Өмнө нь плэй-оффт 20-20 гэсэн амжилт гаргаж байгаагүй. Мөн “Мемфис”-с плэй-оффт 21 самбар авч байсан тоглогч байгаагүй ажээ. Майк Конли 18 оноо, О Жэй Майо сэлгээнээс орж ирээд 18 оноо тус тус авсан бол нэмэлт цагт багтаа хамгийн их хэрэг болсон Марк Гасоль 16 оноо цуглуулжээ.

Харин “Тандер”-аас Кевин Дюрант 22 оноо, 12 самба авсан. Гэхдээ шийдвэрлэх 4-р үеийн сүүлээр  Кевин  долоон шидэлтээ дараалан алдсан юм.  Багийн анд Рассел Уэстбрук 23 оноо 12 дамжуулалт, 6 самбараас бөмбөг авсан.

Лайонел Холлинс (Мемфис) “Энэ чинь л плэй-офф шүү дээ. Цаашаа явахын тулд ямар нэгэн гайхалтай зүйл хийж түүнээсээ туршлага хуримтлуулах ёстой болдог. Харин бид 16 оноогоор ялагдаж яваад тэнцүүлж, хожил авсан нь хангалттай гэж бодож байна. Энэ өдөр бид хожих хувьтай байлаа”

Стат : Тандер эхний гурван үед 76 оноо цуглуулсан хэрнээ шийдвэрлэх сүүлийн үед ердөө 10-г л авсан. Нэмэлт цагийн 5 минутад авсан оноог нэмбэл 17 болж байна.

Онцлох мөч Үндсэн цаг дуусахаас 7 : 41 минутын өмнө “Оклахома” 82-71-ээр тэргүүлж байсан. Гэвч үүнээс хойш авсан оноогоор “Мемфис”-т 30-11 гэсэн харьцаагаар  бариулсан.

* 16 оноогоор ялагдаж  байх үед Холлинс хурдтай жижиг тоглогчдыг талбайд гаргасан нь үр дүнгээ өгсөн. Тэрээр Майо, Конли дээр нэмээд Баттье, Артур, Сэм Янг гэсэн бүрэлдэхүүнээр 4-р үед тоглосон юм. Эдгээр тоглогчид зургаа дараалан оноо авч тооны харьцааг тэнцүүлэхэд их тус болсон.

Дээр нь нэмээд Уэстбрукийн нэмэлт цагт ашиглаж хожлын хаалгаа нээсэн. Хоёр баг аль аль нь шидэлт дажгүй байлаа. “Мемфис” 37.8 хувьтай, Тандер 36.6 хувьтай шиджээ. Дараагийн тоглолт 5 сарын 9-нд явагдана.

 

***

"Мемфис" цувралыг 2 : 1 болголоо, 9.7 out of 10 based on 12 ratings