Найман өөр жинд дэлхийн аварга болсон цорын ганц боксчин алдарт Мэнни Пакьяо ээлжит тулаанаа саяхан Шейн Мослитой хийлээ. WBO-гийн хагас хөнгөн жингийн бүсийн төлөөх энэ тулаанд Мэнни илт давамгайл саналаар ялалт байгуулсан байна. Лас Вегасын “MGM Grand” ордонд явагдсан уг тулаан эхнээсээ дуусах хүртлээ Пакьяогийн давамгайлал дор үргэлжилсэн юм.

Мосли ихэнхидээ хамгаалах тактик барьж төдийлөн хүчтэй цохилтууд хийж чадаагүй. Ингээд 12 раундын тулаан дараа гурван шүүгчдийн санал эргэлзээгүй Мэннигийн талд байлаа. 119-108, 120-108 and 120-107 гэсэн харьцаагаар “Ардын баатар” карьерийнхаа 53 дахь ялалтыг байгууллаа. Тэрээр нийт 58 тулаан хийснээс ердөө гуравт нь л дийлдэж, хоёр удаа тэнцэж байсан. Бусад 53 ялалтынхаа 38-г хүнд цохилтоор дуусгаж байлаа.

Пакьяо 2005 оны гурван сард Эрик Моралест дийлдсэнээсээ хойш 14 дараалан ялаад байна. Үүнд түүний Рикки Хаттон, Оскар Де Ла Хойяг буулган авсан алдарт тулаанууд нь багтана. Пакьяо өнгөрсөн оны 11 сард Антонио Маргаритог буулган авч найм дахь жиндээ аварга авснаасаа хойш тулаан хийгээгүй байсан юм.

Өнгөрсөн жил улс төрд хүчээ сорьж конгрессийн гишүүн болсон  Мэнни 6 сая ам.доллар халаасалсан бол Мосли 3,9 саятай болсон. Мөн мэдээж мэнежерүүд нь багагүй мөнгө авсан байгаа.