Новак Жоковичийн гайхалтай улирал үргэлжилсээр байна. Серби теннисчин хамгийн сүүлд Рафаель Надалийг “Мадрид мастерс”-н финалд 7-5 6-4-ээр буулган авч түрүүллээ. Новак өмнө нь Надальтай шороон талбайд есөн удаа тоглож байсан ч хожиж үзээгүй. Харин энэ удаа ‘Шороон талбайн хаан”-ыг өмнөө сөхрүүлж 2011 он гарснаас хойш 32 дахь дараалсан ялалтаа байгууллаа.

Новакын энэ сүрдмээр амжилт Австралийн нээлттэй тэмцээнээс  эхэлсэн. Түүнээс  хойш Жокович зургаа дахь тэмцээний түрүүгээ хүртэж байна. 1984 онд Жон Макэнро 42 тоглолт дараалан ялж байсан. Жоковичийн амжилт түүнээс хойш бүртгэгдсэн хамгийн цуутай цуврал ялалт болж байна.

Надаль 2009 оноос хавраас хойш шороон талбайд ялагдаагүй байсан юм. Харин Жокович түүний 38 тоглолт үргэлжилсэн цувралыг тасалдуулж өөрийнхөө дараалан амжилтыг үргэлжлүүллээ. Реал Мадридын К.Роналду, Икер Касильяс гэсэн тоглогчид уг тоглолтыг ирж үзсэн.